பயிற்சி விமானம் விழுந்து தீப்பிடித்தது: 6 பேர் உயிர்தப்பினர்!

பயிற்சி விமானம் விழுந்து தீப்பிடித்ததில் அதில் பயணம் செய்த 6 பேர் உயிர்தப்பினர்.

உத்தரபிரதேச மாநிலம் அலிகார் உள்ள கானிபூர் விமான நிலையத்தில் இன்று காலை தனியார் பயிற்சி விமானம் ஒன்று தரையிறங்கியது. அதில் விமானி உட்பட 6 பேர் இருந்தனர். அப்போது விமானத்தின் டயரில் ஏற்பட்ட பிரச்னை காரணமாக, விமானம் தடுமாறி விபத்துக்குள்ளானது. உடனடியாக அதில் இருந்த 6 பேரும் பத்திரமாக மீட்கப்பட்டனர்.

அவர்கள் மீட்கப்பட்ட சில நிமிடங்களில் விமானத்தின் முன்பகுதி தீப்பிடித்து எரிந்தது. உடனடியாக தீயணைப்பு வாகனங்கள் வரவழைக்கப்பட்டு தீ அணைக்கப்பட்டது. இந்த விபத்துபற்றி போலீசார் விசாரணை நடத்தி வருகின்றனர். மேலதிக விவரங் கள் உடனடியாக கிடைக்கவில்லை.