[X] Close
JUST IN
  • BREAKING-NEWS கனமழை காரணமாக தூத்துக்குடியில் பள்ளிகளுக்கு இன்று விடுமுறை
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS கோயம்புத்தூர் - பொள்ளாச்சி உள்ளிட்ட 3 புதிய ரயில் சேவைகள் இன்று அறிமுகம்
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

காங்கிரஸ் ‌கட்சியின் புதிய தலைவராக பிரியங்கா காந்தி - தலைவர்கள் விருப்பம்

priyanka-gandhi-to-be-new-leader-of-congress-party-leaders

நாட்டை ஆளும் பொறுப்பில் பல காலம் இருந்த கட்சியான காங்கிரஸ் ‌கட்சியை வழிநடத்தும் பொறுப்பை பிரியங்கா ஏற்க வேண்டும் என மூத்த காங்கிரஸ் தலைவர்கள் கருத்து தெரிவித்துள்ளனர்.

தொடர்ச்சியாக இரு நாடாளுமன்றத் தேர்தல்களில் படுதோல்வி, நாட்டின் அதிக மாநிலங்களில் ஆட்சிப் பொறுப்பை இழந்து நிற்கும் சூழல் போன்றவை காங்கிரஸ் கட்சியை நிலைகுலையச் செய்திருக்கிறது. நாடாளுமன்றத் தேர்தல் தோல்விக்கு பொறுப்பேற்று அக்கட்சியின் தலைவர் பொறுப்பைத் துறந்தார் ராகுல் காந்தி. தொண்டர்கள் மற்றும் கட்சி‌யின் மூத்த தலைவர்கள் தொடர்ந்து வற்புறுத்தியும் பொறுப்பில் நீடிக்க மறுத்துவிட்ட நிலையில் புதிய தலைவரை தேர்ந்தெடுக்க வேண்டிய நிலையில் காங்கிரஸ் கட்சி உள்ளது.

நேரு குடும்பத்தினர் அல்லாத இளைய தலைவர் ஒருவரை தேர்ந்தெடுக்க வாய்ப்பு உள்ளதாக செய்திகள் வெளியாகின. குறிப்பாக ஜோதிராதித்ய சிந்தியா, சசி தரூர், சச்சின் பைலட் போன்றவர்களின் பெயர்களும் பேசப்பட்டன. இந்நிலையில் சசி தரூர், காங்கிரஸ் கட்சி தற்போது இருக்கும் நிலையில் அதனை வழிநடத்தத் தகுதி வாய்ந்த தலைவர் அக்கட்சியின் அகில இந்திய பொதுச்செயலாளர்களில் ஒருவரான பிரியங்காவே என்ற கருத்தினை பதிவு செய்தார்.

இதனைத் தொடர்ந்து காங்கிரஸ் கட்சியின் மூத்த தலைவர்களில் ஒருவரும், பஞ்சாப் முதலமைச்சருமான அமரிந்தர் சிங்கும், பிரியங்கா தலைமைப் பொறுப்பை ஏற்றால் அதனை வரவேற்பதாகத் தெரிவித்துள்ளார். அதற்கு தேவையான அத்தனைத் தகுதிகளும் இருப்பதாக அவர் குறிப்பிட்டுள்ளார். இந்தக் கருத்தை வழிமொழிகிறார் தமிழகத்தைச் சேர்ந்த காங்கிரஸ் கட்சியின் மூத்த தலைவர் பீட்டர் அல்ஃபோன்ஸ்.

கட்சித் தொண்டர்களோடு பழகும் தன்மை, மக்களை வசீகரிக்கும் ஆற்றல், எதிர்க்கட்சியினரை அனைத்து வகையிலும் எதிர்கொள்ளும் துணிவு போன்ற பல காரணிகளை அடுக்கி பிரியங்காவே அடுத்த தலைவராக பொறுப்பேற்க சரியான நபர் என்கின்றனர் அக்கட்சியினர்.

இருப்பினும் காங்கிரஸ் கட்சியின் காரியக்கமிட்டியே இது குறித்து முடிவு செய்யும் என்றும் கூறுகின்றனர். காலம் காலமாக மக்கள் செல்வாக்கைப் பெற்று ஆட்சிக் கட்டிலில் இருந்த காங்கிரஸின் தலைமைப் பொறுப்பை பிரியங்கா ஏற்பாரா? என்பதை பொறுத்திருந்துதான் பார்க்க வேண்டும்.

Advertisement:
இது தொடர்பான செய்திகள் :
Advertisement:
Advertisement:
[X] Close