[X] Close
JUST IN
  • BREAKING-NEWS ஒரே சமயத்தில் மக்களவை மற்றும் மாநில சட்டசபைகளுக்கு தேர்தல் நடத்துவது குறித்து மீண்டும் ஆலோசனை நடத்த மோடி அரசு முடிவு
  • BREAKING-NEWS மீன்பிடி தடைக்கால நிவாரண தொகையாக மீனவர் குடும்பம் ஒன்றுக்கு ரூ.5000 வழங்கப்படும்- தமிழக அரசு
  • BREAKING-NEWS நிதி ஆயோக் கூட்டத்தில் தமிழக மக்களின் உணர்வுகளை முதல்வர் பழனிசாமி எதிரொலிக்கவில்லை- திமுக தலைவர் மு.க.ஸ்டாலின்
  • BREAKING-NEWS பொறியியல் படிப்பிற்கான தரவரிசைப் பட்டியல் ஜூன் 20ம் தேதி வெளியிடப்படும்- அமைச்சர் கே.பி.அன்பழகன்
  • BREAKING-NEWS சென்னையில் பெட்ரோல் லிட்டருக்கு ரூ. 72.64 காசுகளாகவும், டீசல் லிட்டருக்கு ரூ. 67.52 காசுகளாகவும் விலை நிர்ணயம்
  • BREAKING-NEWS கோதாவரி - காவிரி நதிநீர் இணைப்பை முதன்மையாக நிறைவேற்ற பிரதமர் மற்றும் நீர்வள அமைச்சரிடம் கோரிக்கை வைத்துள்ளேன் - முதல்வர் பழனிசாமி
  • BREAKING-NEWS தமிழகத்தின் ஒப்புதலின்றி மேகதாதுதுவில் அணை கட்ட அனுமதி வழங்க கூடாது என கோரிக்கை விடுத்துள்ளோம் - முதல்வர் பழனிசாமி

''நிலவில் யாரும் தொடாத நிலப்பகுதியை சந்திராயன்-II  தொடும்'' - இஸ்ரோ தலைவர் சிவன் 

chandrayaan-2-launch-date-set-at-july-9-16-will-explore-uncharted-land

இந்தியா முதன்முறையாக நிலவிற்கு சந்திராயன்-I விண்கலத்தை 2008ஆம் ஆண்டு அக்டோபர் மாதம் 22ஆம் தேதி அனுப்பியது. இந்த விண்கலம் நிலவின் தரைப்பகுதியிலிருந்து 100கிலோமீட்டர் உயரத்தில் சுற்றி வந்தது. இந்த விண்கலம் நிலவிலுள்ள சூழல்கள், கனிமங்கள் குறித்து ஆய்வு செய்தது. 

இதனையடுத்து சந்திராயன்-I விண்கலம் 2009 ஆம் ஆண்டு ஆகஸ்ட் மாதம் அதன் ஆயுள் காலத்தை நிறைவு செய்தது. அதன்பின்னர் இந்தியா மீண்டும் நிலவிற்கு சந்திராயன்-II விண்கலத்தை அனுப்ப திட்டமிட்டது. அதன்படி வரும் ஜூலை மாதம் 9ஆம் தேதியிலிருந்து 16ஆம் தேதிக்குள் சந்திராயன்-II விண்ணில் ஏவப்படும் என்றும் இஸ்ரோ தெரிவித்தது. 

இந்நிலையில் புவி கண்காணிப்பை அதிகரிக்கும் வகையில் இஸ்ரோ தயாரித்த "ரிசாட்2பி" என்ற செயற்கைக்கோள் ‌பி.எஸ்.எல்.வி. சி-46 ராக்கெட் மூலம் விண்ணில் இன்று ஏவப்பட்டது. பின்னர் செய்தியாளர்களிடம் பேசிய இஸ்ரோ தலைவர் சிவன், ''ஜூலை மாதம் 9ஆம் தேதியிலிருந்து 16ஆம் தேதிக்குள் சந்திராயன்-II விண்ணில் ஏவப்படும்.

சந்திராயன் 2 என்பது இந்திய விண்வெளித்துறையின் மைல்கல்லாக அமையும். இந்த திட்டமானது ISROக்கு சவாலான ஒன்று தான். இந்த விண்கலம் தரையிறங்கும் இடமானது இதுவரை எந்த நாடும் தொடாத இடமாக இருக்கும் என்று தெரிவித்துள்ளார். ரூ.800 கோடி செலவில் சந்திராயன் 2 திட்டம் செயல்படுத்தப்படவுள்ளது.

சந்திராயன்-II பூமியிலிருந்து ஏவப்பட்டவுடன் ஆர்பிடர் ப்ரோபல்ஷன் மூலம் நிலவை சென்றடையும். அதன் பின்னர் லண்டர் மற்றும் ரோவர் தனியாக பிரிந்து, லண்டர் நிலவின் தென் துருவத்திலுள்ள தரைப்பகுதியில் இறங்கும். நிலவில் இறங்கிய பிறகு ரோவர் பல ஆய்வுகளை நடத்தவுள்ளது 

இந்தியாவின் எதிர்கால திட்டமான விண்வெளிக்கு ஆட்களை அனுப்புவது குறித்து கடந்த ஜனவரியில் பேசிய சிவன், விண்வெளிக்கு செல்வதில் பெண் விண்வெளி வீரர்களின் பங்களிப்பும் இருக்க வேண்டுமென்றும் தெரிவித்திருந்தார். ஆண், பெண் இருபாலருக்கும் இது குறித்து பயிற்சி அளிக்கப்படும் என்றும் கூறியிருந்தார். ஆனால் இந்த திட்டத்தில் எத்தனை பேர் பங்கேற்பார்கள் என்று அவர் தெரிவிக்கவில்லை.


 

Advertisement:
இது தொடர்பான செய்திகள் :
Advertisement:
Advertisement:
[X] Close