[X] Close
JUST IN
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்
  • BREAKING-NEWS தமிழகத்தில் காலியாக உள்ள 6 இடங்களுக்கு ஜூலை 18ம் தேதி மாநிலங்களவை தேர்தல் நடைபெறும் - தேர்தல் ஆணையம்
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

“முதன்முறையாக செய்தியாளர்களை மோடி சந்தித்ததற்கு பாராட்டுக்கள்” - ராகுல்

rahul-gandhi-reply-for-pm-modi-press-meet

பாஜகவிடம் உள்ள பணத்திற்கும் எங்கள் பக்கம் உள்ள உண்மைக்கும்தான் இந்தத் தேர்தலில் போட்டி என காங்கிரஸ் தலைவர் ராகுல்காந்தி தெரிவித்தார்.

மக்களவைக்கு 7 கட்டங்களாக தேர்தல் அறிவிக்கப்பட்ட நிலையில் நாளை மறுதினம் ஏழாம் கட்ட தேர்தல் நடைபெற உள்ளது. இன்றுடன் மக்களவைத் தேர்தலுக்கான பரப்புரை நிறைவடைய உள்ள நிலையில், காங்கிரஸ் தலைவர் ராகுல்காந்தி டெல்லியில் செய்தியாளர்களை சந்தித்தார்.

அப்போது பேசிய அவர், மக்களவைத் தேர்தலில் பிரதமர் மோடியும், பாஜக தேசியத் தலைவர் அமித் ஷாவும் மிகப் பெரிய அளவில் பணப்பலத்தை பயன்படுத்தியதாக குற்றம்சாட்டினார். பாஜகவிடம் உள்ள பணத்திற்கும் தங்கள் பக்கம் உள்ள உண்மைக்கும்தான் இந்தத் தேர்தலில் போட்டி எனக் குறிப்பிட்ட அவர், தேர்தல் ஆணையம் ஒரு ஒருதலைப்பட்சமாக செயல்படுவதாகவும் புகார் தெரிவித்தார்.

மேலும் பேசிய ராகுல்காந்தி, “ பரப்புரையின்போது மோடி எதனைப் பேச விரும்புகிறாரோ அதனைப் பேசலாம். ஏனென்றால் தேர்தல் ஆணையம் அதற்கு அனுமதி கொடுக்கிறது. ஆனால் நாம் பேச நினைத்ததை பேச முயற்சித்தால் தேர்தல் ஆணையம் அதனைத் தடுக்கிறது. தேர்தல் அட்டவணை கூட மோடியின் பரப்புரைக்காக ஏற்படுத்தப்பட்டதுபோல தெரிகிறது.

பிரதமரின் குடும்பத்தை நான் மதிக்கிறேன். என்னுடைய குடும்பம் குறித்து பிரதமர் மோடி விமர்சித்ததை பற்றி நான் கவலைப்படவில்லை. தேர்தல் முடிய சில நாட்களே உள்ள நிலையில் பிரதமர் மோடி இப்போதுதான் செய்தியாளர்களை சந்திக்கிறார். முன்னெப்போதும் இல்லாத வகையில் இப்போதாவது முதல்முறையாக செய்தியாளரை சந்திக்கிறாரோ அதற்காகவே நான் பாராட்டுகிறேன்.

 ரஃபேல் விவகாரம் தொடர்பாக பிரதமர் மோடி ஏன் என்னுடன் விவாதத்திற்கு தயாராக இல்லை. என்னுடன் ரஃபேல் விவகாரம் தொடர்பாக பிரதமர் மோடி விவாதம் செய்ய தயாரா..? மே 23-ஆம் தேதி மக்களின் முடிவு என்னவென்று தெரியவரும். அதனைப் பொறுத்து எங்கள் வேலைகளை மேற்கொள்வோம்.” என ராகுல்காந்தி தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:

[X] Close