[X] Close
JUST IN
  • BREAKING-NEWS அனைத்து அரசு துறைகளும் இணைந்து செயல்பட்டால் டெங்கு கொசு, காய்ச்சலை கட்டுப்படுத்தலாம் - உயர்நீதிமன்ற மதுரை கிளை கருத்து
  • BREAKING-NEWS ஈரோடு அருகே கோயிலில் சிலைகள் சேதப்படுத்தப்பட்டதில் 6 பேர் மீது வழக்குப்பதிவு
  • BREAKING-NEWS நவம்பர் 18-ஆம் தேதி தொடங்குகிறது குளிர்கால கூட்டத் தொடர்
  • BREAKING-NEWS தமிழகம் மற்றும் புதுவையில் அடுத்த 3 நாட்களுக்கு பலத்த மழை பெய்ய வாய்ப்பு
  • BREAKING-NEWS தொடர் மழை காரணமாக கன்னியாகுமரி மாவட்டத்தில் பள்ளி, கல்லூரிகளுக்கு விடுமுறை; சிவகங்கை மாவட்டத்தில் பள்ளிகளுக்கு மட்டும் விடுமுறை

மேற்கு வங்கத்திலும் ஃபோனி தாண்டவம்: கடும் மழை, இயல்பு வாழ்க்கை பாதிப்பு

cyclone-fani-hits-west-bengal-triggering-heavy-rainfall-uprooting-trees

ஒடிசாவைப் புரட்டிப் போட்ட ஃபோனி புயல் ‌மேற்கு வங்கத்திலும் பலத்த சேதத்தை ஏற்படுத்தியுள்ளது. 

அதிதீவிர புயலாக  ஒடிசாவில் கரையைக் கடந்த ஃபோனி புயல், அம்மாநிலத்தை கடுமையாகச் சிதைத்தது. ஒடிசா முழுவதும் ரயில்வே துறையின் அடிப்படைக் கட்டமைப்புகளை புரட்டிப் போட்டுள்ளது ஃபோனி. ஹவுரா - சென்னை ரயில் உள்ளிட்ட 220 ரயில் சேவைகள் ரத்து செய்யப்பட்டிருப்பதாக கிழக்கு கடற்கரை ரயில்வே நிர்வாகம் தெரிவித்துள்ளது. மோசமான வானிலை காரணமாக, புவனேஸ்வர் விமான நிலையத்திலிருந்து புறப்படும் 10 விமானங்கள் ரத்து செய்யப்பட்டுள்ளன. 

கொல்கத்தா உள்ளிட்ட நகரங்களிலிருந்து புவனேஸ்வர் செல்லும் 9 விமானங்களும் ரத்து செய்யப்பட்டுள்ளன. மாநிலம் முழுவதும் ஏராளமான மின்கம்பங்களும், செல்போன் டவர்களும் சாய்ந்து விழுந்ததால், மின்சாரம், இன்டர்நெட் சேவைகள் துண்டிக்கப்பட்டுள்ளன. தேசிய பேரிடர் மீட்புப்படையின் 38 குழுக்கள் ஒடிசாவில் மீட்புப் பணிகளில் ஈடுபடுத்தப்பட்டுள்ளனர். பத்தாயிரத்துக்கும் அதிகமான கிராமங்களும், 50 -க்கும் அதிகமான நகரங்களும் ஃபோனியின் பாதிப்பில் சிக்கியிருப்பதாகத் தெரிவிக்கப்பட்டுள்ளது. ஒடிசாவில் புயல் மழை பாதிப்பில் 8 பேர் உயிரிழந் திருப்பதாக கூறப்படுகிறது.

ஒடிசாவை அச்சுறுத்திய ஃபோனி‌ புயல், மேற்கு வங்க மாநிலம் நோக்கி வலுக்குறைந்து நகர்ந்து‌ சென்றது. நேற்றிரவு சூறைக்காற்றுடன் பலத்த மழை பெய்தது. அப்போது அம்மாநிலத்தின் திகா, மண்டர்மனி, தஜ்பூர், கரக்பூர் உட்பட பல பகுதிகளில் மரங்கள் வேரோடு சாய்ந்தன. வீட்டுக் கூரைகள் தூக்கி வீசப்பட்டன. பல பகுதிகள் கடுமையாக சேதமடைந்துள்ளன.

கடற்கரையோர பகுதியில் இருந்து சுமார் 15 ஆயிரம் பேர், கிழக்கு மிட்னாப்பூர் உள்ள முகாமிலும் சுமார் 20 ஆயிரம் பேர் மேற்கு மிட்னாப்பூர் முகாமிலும் தங்க வைக்கப்பட்டுள்ளனர். தலைநகர் கொல்கத்தாவில் பல இடங்களில் மழை நீர் தேங்கி இ‌யல்பு வாழ்க்கை ஸ்தம்பித்தது.  மீட்பு பணிகள் அங்கு முடுக்கி விடப்பட்டுள்ளன. தேசிய பேரிடர் மீட்புக் குழுவினர் அதில் ஈடுபட்டுள்ளனர். 

நிலைமையை உ‌ன்னிப்பாக கவனித்து வருவதாக முதலமைச்சர் மம்தா பானர்ஜி தெரிவித்துள்ளார்.

Advertisement:
Advertisement:
Advertisement:
[X] Close