[X] Close
JUST IN
  • BREAKING-NEWS சபரிமலைக்கு வரும் அனைத்து வயது பெண்களுக்கும் பாதுகாப்பு அளிக்கப்படும்- கேரள முதல்வர் பினராயி விஜயன்
  • BREAKING-NEWS சபரிமலை கோயிலில் அனைத்து வயது பெண்களையும் அனுமதிப்பது தொடர்பாக தேவசம் போர்டு நடத்திய பேச்சுவார்த்தை தோல்வி
  • BREAKING-NEWS சென்னையில் பெட்ரோல் லிட்டருக்கு ரூ.86.10 காசுகளாகவும், டீசல் லிட்டருக்கு ரூ.80.04 காசுகளாகவும் விலை நிர்ணயம்
  • BREAKING-NEWS நாட்டில் கடந்தாண்டு செப்டம்பரில் 3.14%ஆக இருந்த பணவீக்கம் இந்தாண்டு 5.13%ஆக அதிகரித்துள்ளது
  • BREAKING-NEWS வைரமுத்து மீது பாலியல் குற்றச்சாட்டை சொல்வதால் இதன் பின்னணியில் அரசியல் செல்வாக்கு இருக்கிறதா என எண்ணத் தோன்றுகிறது - சீமான்
  • BREAKING-NEWS மேற்கு இந்திய தீவுகள் அணிக்கு எதிரான டெஸ்ட் தொடரை 2-0 என்ற கணக்கில் வென்றது இந்தியா
  • BREAKING-NEWS என் மீது கூறப்பட்ட பாலியல் குற்றச்சாட்டுகள் அனைத்தும் பொய்யானவை, அடிப்படை ஆதாரமில்லாதவை - அமைச்சர் எம்.ஜே.அக்பர்

“ஆர்எஸ்எஸ் குட்டையை குழப்பி மீன் பிடிக்கப்பார்க்கிறது” - பினராயி விஜயன்

kerala-govt-will-not-file-review-petition-on-sc-s-sabarimala-verdict-says-pinarayi-vijayan

சபரிமலை விவகாரத்தில் உச்சநீதிமன்ற தீர்ப்புக்கு எதிராக மாநில அரசு சீராய்வு மனுத் தாக்கல் செய்யாது என கேரள முதலமைச்சர் பினராயி விஜயன் திட்டவட்டமாக தெரிவித்துள்ளார்

கேரள மாநிலத்தில் உள்ள சபரிமலை ஐயப்பன் கோயிலுக்கு ஆண்களும், 10 வயதுக்கு உட்பட்ட மற்றும் 50 வயதுக்கு மேற்பட்ட பெண்கள் மட்டுமே செல்லலாம் என்ற நடைமுறை இருந்து வந்தது. வழிபாட்டில் ஆண், பெண் பேதம் இல்லை எனக்கூறி இந்தத் தடையை எதிர்த்து உச்சநீதிமன்றத்தில் வழக்கு தொடர்ப்பட்டது. இந்த வழக்கை விசாரித்த உச்சநீதிமன்ற அரசியல் சாசன அமர்வு, அனைத்து வயது பெண்களும் கோயிலுக்கு செல்லலாம் என்ற அதிரடி தீர்ப்பை வழங்கியது.

உச்சநீதிமன்றத்தில் தீர்ப்புக்கு பல தரப்புகளில் இருந்து ஆதரவும், எதிர்ப்பும் கிளம்பிய நிலையில் தீர்ப்பை எதிர்த்து கேரள அரசு முறையீட்டு மனுத்தாக்கல் செய்ய வேண்டும் எனக் கோரிக்கையும் எழுந்தது. ஆனால் கோரிக்கையை நிராகரித்த முதலமைச்சர் பினராயி விஜயன், கோயிலுக்கு பெண்கள் வருவதற்கான பாதுகாப்பு ஏற்பாடுகள் செய்யப்படும் என்று தெரிவித்தார். 

இந்நிலையில் உச்சநீதிமன்ற தீர்ப்புக்கு எதிராக கேரளாவில் போராட்டங்கள் வலுத்து வரும் நிலையில் முதலமைச்சர் பினராயி தலைமையில் ஆலோசனைக்கூட்டத்துக்கு மாநில அரசு இன்று ஏற்பாடு செய்திருந்தது. இந்தச் சமரச ஆலோசனைக்கூட்டத்தில் பந்தளம் அரசக் குடும்பத்தினர் பங்கேற்கவில்லை. உச்சநீதிமன்ற தீர்ப்பை எதிர்த்து மாநில அரசு சீராய்வு மனுத்தாக்கல் செய்தால் மட்டுமே பேச்சுவார்த்தையில் பங்கேற்போம் என்று அவர்கள் ஏற்கெனவே தெரிவித்துள்ளனர். 

இந்நிலையில் உச்சநீதிமன்றத் தீர்ப்புக்கு எதிராக தேசிய ஐயப்ப பக்தர்கள் சங்கத் தலைவர் ஷியாலஜா விஜயன் இன்று சீராய்வு மனுத் தாக்கல் செய்தார். இதனிடையே சபரிமலை விவகாரம் குறித்து பேசிய கேரள முதலமைச்சர் பினராயி விஜயன் ''சபரிமலை விவகாரத்தில் உச்சநீதிமன்ற தீர்ப்புக்கு எதிராக மாநில அரசு சீராய்வு மனுத் தாக்கல் செய்யாது. இந்த விவகாரத்தில் ஆர்எஸ்எஸ் குட்டையை குழப்பி மீன் பிடிக்கப்பார்க்கிறது. சட்டம் ஒழுங்கை குலைக்கப் பார்க்கிறது. உச்சநீதிமன்ற தீர்ப்பில் மாநில அரசு தெளிவாக உள்ளது.

சில சக்திகள் மத உணர்வுகளை தூண்டிவிட்டு அரசாங்கத்துக்கு சிக்கலை உருவாக்க நினைக்கின்றன. எல்லா சிக்கல்களையும்  அரசு சரியாக கையாண்டு எதிர்கொள்ளும். மத்தியில் பாஜகவும், காங்கிரசும் உச்சநீதிமன்ற தீர்ப்பை வரலாற்று தீர்ப்பு எனப் புகழ்கின்றனர். ஆனால் கேரளாவில் தங்களுக்கு ஒரு வாய்ப்பாக பயன்படுத்தி சிக்கலை உண்டாக்குகின்றனர். மக்களால் தேர்ந்தெடுக்கப்பட்ட அரசு நீதிமன்ற தீர்ப்போடு ஒத்துப்போவதே சரியாக இருக்கும்'' என்றும் தெரிவித்தார்.

வீடியோ

Advertisement:
Advertisement:
Advertisement:
[X] Close