[X] Close
JUST IN
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை
  • BREAKING-NEWS திமுக ஆட்சியைப் பிடிக்கவும் முடியாது, மு.க.ஸ்டாலின் முதலமைச்சர் ஆகவும் முடியாது - வைகைச்செல்வன்
  • BREAKING-NEWS மறைந்த முன்னாள் முதல்வர் ஜெயலலிதாவின் வாழ்க்கை வரலாறு பற்றிய படத்தின் ஃபர்ஸ்ட் லுக் போஸ்டர் வெளியீடு
  • BREAKING-NEWS எக்காலத்திலும் செவிலியர் படிப்புக்கு நீட் தேர்வை அனுமதிக்கமாட்டோம் - அமைச்சர் விஜயபாஸ்கர்

'தேவையான ஒத்துழைப்பு தருகிறது மத்திய அரசு' - பினராயி விஜயன் 

central-government-provides-needed-cooperation-pinarayi-vijayan

கேரளாவில் மழை, வெள்ளத்தால் இதுவரை 19 ஆயிரத்து 500 கோடி ரூபாய் அளவுக்கு இழப்பு ஏற்பட்டிருப்பதாகவும், வெள்ள நிவாரணப் பணிகளுக்கு மத்திய அரசு தேவையான ஒத்துழைப்பை அளித்து வருவதாகவும் அந்த மாநில முதலமைச்சர் பினராயி விஜயன் தெரிவித்துள்ளார்.

திருவனந்தபுரத்தில் செய்தியாளர்களுக்கு பேட்டியளித்த கேரளா முதலமைச்சர் பினராயி விஜயன் , வெள்ள நிவாரணப் பணிகளுக்கு மத்திய அரசு தரப்பில் இருந்து தேவையான உதவிகள் கிடைக்கப் பெற்றுள்ளதாகவும், பிற மாநில அரசுகள் உதவி வருவதாகவும் குறிப்பிட்டார். மீட்புப் பணியில் 22 ஹெலிகாப்டர்கள், கடற்படையை சேர்ந்த படகுகள், தேசிய பேரிடர் மேலாண்மை அமைப்பை சேர்ந்த 57 படகுகள், கடலோர காவல்படையைச் சேர்ந்த 35 படகுகள், 600 தனியார் படகுகள் ஈடுபடுத்தப்பட்டுள்ளதாக தெரிவித்‌தார். 

எல்லை பாதுகாப்புப் படையினர், ராணுவ பொறியியல் குழுவினர், தமிழகம் மற்றும் ஒரிசாவில் இருந்து சென்றுள்ள தீயணைப்புப் படையினர், காவல்துறையினர், தொண்டு அமைப்பினர் என பல்வேறு தரப்பினர் மீட்புப் பணியில் ஈடுபட்டுள்ளதாக தெரிவித்தார். ஓணம் பண்டிகைக்காக மக்கள் தயாரான நிலையில் எதிர்பாராத விதமாக பெருமழை மாநிலத்தை ஆட்டி படைத்துவிட்டதாக அவர் கூறினார். ஓணம் பண்டிகைக்காக அத்தியாவசிய பொருட்கள் கேரளாவுக்கு ஏற்கனவே வந்த நிலையில், தற்போது பல இடங்களில் போக்குவரத்து துண்டிக்கப்பட்டுள்ளதால் அவற்றை கொண்டு செல்வதில் சிரமம் ஏற்பட்டுள்ளதாக பினராயி விஜயன் குறிப்பிட்டார்.

Advertisement:
இது தொடர்பான செய்திகள் :
Advertisement:
Advertisement:
[X] Close