[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.85 காசுகளாகவும், டீசல் லிட்டருக்கு ரூ. 69.41 காசுகளாகவும் விலை நிர்ணயம்
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்

அமெரிக்கர்களைவிட இந்தியர்களுக்குதான் அதிக மனஅழுத்தம் - புதிய ஆய்வு

indians-are-stressed-out-by-work-finance-situation

உலக அளவில் இந்தியர்கள் வேலை பளு மற்றும் கடன் சுமை பிரச்னைகளால் அதிக மன அழுத்தத்திற்கு ஆளாவதாக ஆய்வு ஒன்று கூறுகின்றது. அந்த ஆய்வின்படி பிரேசில், இந்தோனிஷியா உள்ளிட்ட வளரும் நாடுகள் மட்டுமல்ல அமெரிக்கா, பிரிட்டன், ஜெர்மனி, பிரான்ஸ், சீனா ஆகிய வளர்ந்த நாடுகளில் உள்ளவர்களைக் காட்டிலும் இந்தியர்கள் அதிகம் மன அழுத்தத்தால் பாதிக்கப்பட்டுள்ளனர்.

அமெரிக்காவைச் சேர்ந்த சிக்னா என்ற சுகாதார சேவை அமைப்பு மேற்கொண்ட ஆய்வில் இந்தத் தகவல் வெளியாகியுள்ளது. இந்தியாவில் ஆய்வுக்கு உட்படுத்தப்பட்டோரில் 89 சதவீதம் பேர் மன அழுத்தத்தால் பாதிக்கப்பட்டுள்ளனர். இது உலக அளவிலான சராசரி 86 சதவீதத்தை காட்டிலும் அதிகம் ஆகும். ‘Well-Being Survey’ எனப்படும் இந்த ஆய்வில் உடல்நிலை, குடும்பம், சமூகம், பொருளாதாரம் மற்றும் பணிச் சூழல் ஆகியவை கணக்கில் கொள்ளப்பட்டன.

சிக்னா நிறுவனம் கடந்த பிப்ரவரி முதல் மார்ச் மாதம் வரை 23 நாடுகளைச் சேர்ந்த 14,467 பேரிடம் இந்த ஆய்வினை மேற்கொண்டுள்ளது. இந்தியாவில் உள்ள 20 நகரங்களைச் சேர்ந்த 1000 பேரிடம் ஆய்வு மேற்கொள்ளப்பட்டது. இந்த ஆய்வைப் பொறுத்தவரை மற்றவர்களைக் காட்டிலும் 18 முதல் 34 வயது உடையவர்களே அதிக மன அழுத்தம் அடைகின்றனர்.

ஆய்வில் பங்கெடுத்த 50 சதவீதத்திற்கும் மேற்பட்ட இந்தியர்கள் நண்பர்களுடன் அதிக நேரம் செலவிட முடியவில்லை என்றும் தங்களுக்குப் பிடித்த பொழுதுபோக்குகளில் போதிய நேரம் ஒதுக்கிட முடியவில்லை என்றும் கூறியுள்ளனர். குடும்பங்களை பொறுத்தவரை தங்களது பெற்றோர்களுக்கோ, குழந்தைகளுக்கோ போதிய பணம் செலவிட முடியாமல் திணறி வருவதாக அவர்கள் தெரிவித்துள்ளனர். 

Advertisement:
Related Tags : USUKGermanyFranceChinaBrazilIndonesiaA new survey2018 Survey
Advertisement:
Advertisement:
[X] Close