[X] Close
JUST IN
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்
  • BREAKING-NEWS சிபிஐ இயக்குநர் அலோக் வர்மா மீதான குற்றச்சாட்டு பற்றிய வழக்கை நாளைக்கு ஒத்திவைத்தது உச்சநீதிமன்றம்
  • BREAKING-NEWS நெஞ்சுவலி காரணமாக மக்களவை துணை சபாநாயகர் தம்பிதுரை, சென்னை ஆயிரம் விளக்கில் உள்ள அப்போலோ மருத்துவமனையில் அனுமதி

கத்துவா சிறுமி கொலை செய்யப்படுவதற்கு முன் கோமாவில் இருந்தது கண்டுபிடிப்பு

kathua-rape-victim-sank-into-coma-due-to-overdose-of-sedatives-forensic-experts

ஜம்மு காஷ்மீரில் 8 வயது சிறுமி பாலியல் வன்கொடுமை செய்யப்பட்டு கொலை செய்யப்படுவதற்கு முன்னதாகவே, சிறுமிக்கு அதிகப்படியான மயக்க மருந்துகள் கொடுக்கப்பட்டது தெரியவந்துள்ளது. இதனால் சிறுமி கோமா நிலை சென்றதும் தடயவியல் நிபுணர்களின் அறிக்கை மூலமாக வெளிச்சத்திற்கு வந்துள்ளது.

ஜம்மு காஷ்மீரின் கத்துவா மாவட்டத்தில் கடந்த ஜனவரியில் 8 வயது சிறுமி பாலியல் வன்கொடுமைக்கு உள்ளாக்கப்பட்டு, கொலை செய்யப்பட்ட சம்பவம் நாடு முழுவதும் பெரும் அதிர்வலையை ஏற்படுத்தியது. இது தொடர்பாக ஒரு சிறார் உள்பட 8 பேர் மீது குற்றப்பத்திரிகை தாக்கல் செய்யப்பட்டுள்ளது. குற்றம்சாட்டப்பட்டுள்ள 8 பேரும் ஏற்கனவே கைது செய்யப்பட்டுள்ளனர். நாட்டையே உலுக்கிய சம்பவமாக இந்த குற்றச் சம்பவம் அமைந்தது.

இந்நிலையில் கொலை செய்யப்படுவதற்கு முன்னதாகவே சிறுமிக்கு அளவுக்கு அதிகமான மயக்க மருந்துகள் கொடுக்கப்பட்டதால் அவர் கோமா நிலைக்கு சென்றது தெரியவந்துள்ளது. இந்த வழக்கை விசாரித்து வரும் ஜம்மு காஷ்மீர் கிரைம் பிரிவு போலீசார், சிறுமியின் கொலை தொடர்பாக தடயவியல் நிபுணர்களிடம் அறிக்கை கேட்டிருந்தனர். அவர்கள் அளித்துள்ள அறிக்கையில், கொலை செய்யப்படுவதற்கு முன்னதாகவே கடத்தல்காரர்கள் சிறுமிக்கு அளவுக்கு அதிகமான மயக்க மருந்துகள் கொடுத்ததால் சிறுமி கோமா நிலைக்கு சென்றுள்ளதாக தெரிவித்துள்ளனர். முன்னதாக குற்றம்சாட்டப்பட்டவர்களின் வழக்கறிஞர்கள் நீதிமன்றத்தில் தங்களது வாதத்தை முன்வைக்கும்போது, “ சிறுமி தனக்கு துன்பம் இழைக்கப்படும் போது சத்தமோ, கூச்சலோ போடாமல் இருந்திருக்க முடியுமா..?. அக்கம்பக்கத்தில் இருந்தவர்களின் உதவியை நாடாமல் எப்படி இருந்திருக்க முடியும்” என பல்வேறு சந்தேக கேள்விகளை எழுப்பியிருந்தனர். இந்நிலையில் தற்போது கொலை செய்யப்படுவதற்கு முன்னதாகவே சிறுமி மயக்க மருந்து கொடுத்து கோமா நிலைக்கு கொண்டு செல்லப்பட்டது தெரியவந்துள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close