[X] Close
JUST IN
  • BREAKING-NEWS மெர்சல் திரைப்பட காட்சிகளை யாருக்காகவும் நீக்கக் கூடாது: நடிகர் சங்கம்
  • BREAKING-NEWS மெர்சலில் சில காட்சிகளை நீக்குமாறு வலியுறுத்துவது அடக்குமுறை அரசியலின் வெளிப்பாடு: கருணாஸ்
  • BREAKING-NEWS மெர்சல் படத்தை வைத்து பலர் மோசமான அரசியலை செய்கின்றனர்: தமிழிசை
  • BREAKING-NEWS சென்சார் செய்த படத்தை திரும்ப சென்சார் செய்ய வாய்ப்பில்லை: எஸ்.வி.சேகர்
  • BREAKING-NEWS கருத்து சுதந்திரம் என்பது படைப்பின் அடிப்படை உரிமை: இயக்குநர் சீனு ராமசாமி
  • BREAKING-NEWS மெர்சல் படம் மூலம் மக்களுக்கு சமூக கருத்துகளை சொன்ன விஜய்க்கு பாராட்டு: விஷால்
  • BREAKING-NEWS பேச்சு, படைப்பு சுதந்திரத்திற்கு திமுக எப்போதும் துணை நிற்கும்: மு.க.ஸ்டாலின்
  • BREAKING-NEWS கோட்டையில் ஏற்றப்பட்ட தேசிய கொடியில் ஓட்டை
  • BREAKING-NEWS நடிகர் விஜயின் மெர்சல் திரைப்படத்தில் இருந்து 4 காட்சிகள் நீக்க தயாரிப்பு தரப்பு முடிவு
  • BREAKING-NEWS தமிழகத்தில் டெங்கு மற்றும் காய்ச்சலுக்கு இன்று இதுவரை 4 பேர் உயிரிழப்பு
  • BREAKING-NEWS தஞ்சை கதிராமங்கலத்தில் ஓஎன்ஜிசி வெளியேறக்கோரி 155 ஆவது நாளாக போராட்டம்
  • BREAKING-NEWS காய்ச்சலால் தொடரும் மரணங்கள்: நேற்று மட்டும் 10 பேர் உயிரிழப்பு
  • BREAKING-NEWS திருவள்ளூரில் டெங்கு கொசு உற்பத்தியாக காரணமாக இருந்த 2,533 வீடுகளுக்கு நோட்டீஸ்: ஆட்சியர்
  • BREAKING-NEWS திண்டிவனத்தில் கொசு உற்பத்தியாகும் வகையில் செயல்பட்ட 2 கட்டடங்களுக்கு ரூ.2லட்சம் அபராதம்
வணிகம் 24 Jul, 2017 05:56 PM

ஆன்லைன் பணப்பரிவர்த்தனை: அவசியம் தெரிந்து கொள்ள வேண்டியவை...!

online-money-transfers-here-s-what-you-need-to-know

பண மதிப்பிழப்பு நடவடிக்கைக்கு பிறகு, ஆன்லைன் பரிவர்த்தனை வேகமாக வளர்ந்து வருகின்றது. நேரடியாக பணத்தைக் கையாளுவதைத் தவிர்த்து ஆன்லைன் மூலம் பரிவர்த்தனை செய்கிறவர்களின் எண்ணிக்கை அதிகரித்துள்ளது. இந்தச் சூழலில் ஆன்லைன் மூலம் பணப்பரிவர்த்தனை செய்யப் பயன்படும் என்.இ.எஃப்.டி, ஆர்.டி.ஜி.எஸ், யு.பி.ஐ. போன்ற முறைமைகளைக் கையாள்வது குறித்துப் பார்க்கலாம்.

என்.இ.எஃப்.டி:

The National Electronic Fund Transfer எனப்படும் இந்த முறைமை மூலம் ஒரு வங்கிக் கணக்கிலிருந்து மற்றொரு வங்கிக் கணக்குக்கு பணம் அனுப்பலாம். இந்த முறைமையைப் பயன்படுத்திதான் மிக அதிக அளவில் பணப்பரிமாற்றம் நடைபெறுகிறது. இப்பணப் பரிவர்த்தனையை எப்படி முறையாக செய்வது என்று பார்க்கலாம்.

உங்கள் வங்கிக் கணக்குக்கு நெட்பேங்கிங் வசதி இருக்க வேண்டும். உங்களுக்கு கொடுக்கப்பட்ட அடையாள எண் மற்றும் பாஸ்வேர்டைப் பயன்படுத்தி லாக்-இன் செய்ய வேண்டும்.

நீங்கள் பணம் அனுப்ப விரும்புபவரின் விவரம் உங்கள் கணக்குடன் இணைக்கப்பட வேண்டும்.

அதற்கு, பணம் அனுப்ப வேண்டியவரின் பெயர், வங்கிக் கணக்கு எண், வங்கிக் கிளைக் குறியீட்டு எண்ணான ஐ.எஃப்.எஸ்.சி. கோடு ஆகியவற்றைச் சேர்க்க வேண்டும்.

பணம் அனுப்ப வேண்டியவரின் விவரம் இணைக்கப்பட்ட பிறகு உங்களது வங்கி அதை உறுதிப்படுத்தும் வரை நீங்கள் காத்திருக்க வேண்டும்.

உங்கள் வங்கி உறுதிப்படுத்தியவுடன் நீங்கள் அந்த வங்கிக் கணக்குக்கு பணம் அனுப்பலாம்.

என்.இ.எஃப்.டி பணப்பரிவர்த்தனைக்கு கட்டணங்கள் உண்டு. ரூ.2.50 முதல் ரூ.25 வரை வரியுடன் கட்டணம் வசூலிக்கப்படும்.

நீங்கள் அனுப்பும் தொகை வரிசைப்படி அன்றைய தினமே சென்று சேரும்.

என்.இ.எஃப்.டி மூலம் அதிகபட்சம் ரூ.10 லட்சம் வரை பரிவர்த்தனை செய்யலாம்.

ஆர்.டி.ஜி.எஸ்:

Real Time Gross Settlement எனப்படும் இந்த முறைமை மூலம் பெருமளவிலான பணத்தை மொத்தமாக அனுப்பலாம். குறைந்தபட்சம் ரூ.2 லட்சம் தொகையை அனுப்பலாம். ஆர்.டி.ஜி.எஸ் மூலம் பணம் அனுப்பும்போது கட்டணம் அதிகமாகும். என்.இ.எஃப்.டி முறைமையில் பின்பற்ற அதே வழிமுறைப்படி நீங்கள் பணம் அனுப்ப விரும்புபவரின் விவரங்களை இணைத்து பரிவர்த்தனை செய்யலாம்.

யு.பி.ஐ:

யு.பி.ஐ என்பது Unified Payments Interface என்பதன் சுருக்கம். இந்த புதிய முறைமை மூலம் ஸ்மார்ஃபோனிலிருந்தே எளிய வழியில் பணப்பரிவர்த்தனை செய்யலாம். இந்தப் பரிவர்த்தனைக்கு வங்கிக்கணக்கு எண், கிரெடிட் கார்டு எண், டெபிட் கார்டு எண் போன்ற எந்தத் தனிப்பட்ட விவரங்களையும் கொடுக்கத் தேவையில்லை. இதன் மூலம் ஒரு நாளைக்கு ஒரு முறை அதிகபட்சம் ரூ.1 லட்சம் வரை அனுப்பலாம். இப்பணப்பரிவர்த்தனையை எப்படி முறையாகக் கையாள்வது என்று பார்க்கலாம்.

உங்களுடைய வங்கிக்கான ஆப்-ஐ தரவிறக்கம் செய்துகொள்ளவும். அதில் உங்கள் நெட் பேங்கிங் ஐடி மற்றும் பாஸ்வேர்டைப் பயன்படுத்தி லாக்-இன் செய்யவும்.

Virtual Payment Address எனப்படும் இ-மெயில் முகவரி போன்று வி.பி.ஏ முகவரியை உருவாக்கவும்.

பணம் அனுப்பப்படும் நபரிடமும் வி.பி.ஏ முகவரி இருக்க வேண்டும்.

உங்களுடைய வி.பி.ஏ முகவரியிலிருந்து நீங்கள் அனுப்ப வேண்டிய நபரின் வி.பி.ஏ முகவரிக்கு பணத்தை அனுப்பினால், அவரது கணக்கில் பணம் உடனடியாக சேர்ந்து விடும்.

Advertisement:
இது தொடர்பான செய்திகள் :
Advertisement:
Advertisement:
[X] Close