[X] Close
JUST IN
  • BREAKING-NEWS தமிழகத்தில் இன்றும் கனமழைக்கு வாய்ப்பு
  • BREAKING-NEWS நள்ளிரவில் அனந்தசரஸ் குளத்தில் வைக்கப்பட்டது அத்திவரதர் சிலை..!
  • BREAKING-NEWS சந்திரயான்-2 விண்கலம் செப்.7 ஆம் தேதி நிலவில் தரையிறங்குகிறது - இஸ்ரோ
  • BREAKING-NEWS கர்நாடக அணைகளில் இருந்து காவிரியில் உபரிநீர் திறப்பு வினாடிக்கு 34,000 கன அடியாக அதிகரிப்பு
  • BREAKING-NEWS தமிழகத்தில் ஆவின் பால் விலை லிட்டருக்கு ரூ.6 உயர்வு - தமிழக அரசு

சில இடங்களில் வன்முறை - நிறைவடைந்தது 5ம் கட்ட மக்களவைத் தேர்தல்

fifth-phase-polls-ends-in-51-constituencies-in-7-states

7 மாநிலங்களில் உள்ள 51 தொகுதிகளில் நடந்தப்பட்ட ஐந்தாம் கட்ட மக்களவை தேர்தலில் 63.5 சதவீத வாக்குகள் பதிவாகியுள்ளன.

உ‌த்தரப்பிரதேசம், ராஜஸ்தான், மேற்கு வங்கம், மத்திய பிரதேசம், பீகார், ஜார்க்கண்ட், காஷ்மீர் ஆகிய 7 மாநிலங்களில் வாக்குப்பதிவு பெரிதும் அமைதி‌யான முறையில் நடைபெற்றது. எனினும் மேற்குவங்கம் மற்றும் பீகார் மாநிலங்களில் சில இடங்களில் வன்முறை சம்பவங்க‌ள் நிகழ்ந்தன. பிற மாநிலங்களில் வாக்குப்பதிவு அமைதியான முறையில் நடைபெற்றது. 

Image result for 5 phase election 2019

மேற்கு‌வங்க மாநிலம் பன்கான், ஹுக்ளி‌ மற்றும் பராக்பூர் பகுதிகளிலும்‌ ‌ஆங்காங்கே சிறிய அளவில் வன்முறை சம்பவங்கள் நிகழ்ந்தன. BARRACKPORE என்ற பகுதியில் அமைந்திருந்த வாக்குச்சாவடியில், பாஜக வேட்பாளர் அர்ஜுன் சிங்கை, திரிணாமுல் காங்கிரஸ் தொண்டர்கள் திடீரென தாக்கினர். மேலும் பொதுமக்களையும் வாக்களிக்கக் கூடாது என மிரட்டியதாக கூறப்படுகிறது.‌இதைத் தொடர்ந்து அங்கு விரைந்து வந்த துணை ராணுவப் படை வீரர்கள் அர்ஜுன் சிங்கை அங்கிருந்து பத்திரமாக அழைத்துச் சென்றனர்.

இதே போல் பீகாரின் சரண் தொகுதிக்குட்பட்ட சாப்ராவில், ஒரு வாக்குச்சாவடிக்குள் நுழைந்த அடையாளம் தெரியாத நபர், அங்கிருந்த மின்னணு வாக்குச்சாவடியை அடித்து நொறுக்கி கீழே வீசியதால் பதற்றம் ஏற்பட்டது. இதையடுத்து அங்கு விரைந்து வந்த காவல்துறையினர், அந்த நபரை கைது செய்து அழைத்துச் சென்றனர். ‌விசாரணையில் அவரது பெயர், ரஞ்சித் பஸ்வான் என தெரியவந்தது. ‌

Image result for 5 phase election 2019

நாடு முழுவதும் மக்களவைத் தேர்தலில் ஐந்தாம் கட்டமாக 51 தொகுதிகளுக்கு நடைபெற்ற வாக்குப்பதிவில் 63.5 சதவீத வாக்குகள் பதிவானது. காங்கிரஸ் தலைவர் ராகுல் காந்தி, சோனியா காந்தி, மத்திய அமைச்சர்கள் ராஜ்நாத்சிங், ஸ்மிருதி இரானி உள்ளிட்டோர் களம் கண்ட உத்தரபிரதேசத்தில், 57.33% அதிகமான வாக்குகள் பதிவானதாக அதிகாரிகள் தெரிவித்தனர். மேலும் ராஜஸ்தானில் 63.78% வாக்குகளும், மத்திய பிரதேசத்தில் 66.31% வாக்குகளும்,பிகாரில் 57.86% வாக்குகளும், ஜார்கண்டில் 64.58% வாக்குகளும் பதிவாகியுள்ளன.  மேலும் 4 கட்ட மக்களவை தேர்தலைவிட, 5 கட்ட தேர்தலில் தான் குறைவான வாக்குப்பதிவு என்பது குறிப்பிடத்தக்கது.

Advertisement:
இது தொடர்பான செய்திகள் :
Advertisement:
Advertisement:
[X] Close