[X] Close
JUST IN
  • BREAKING-NEWS மதுரை மக்களவை தொகுதியில் இரவு 8 மணியுடன் வாக்குப்பதிவு நிறைவடைந்தது
  • BREAKING-NEWS அரியலூர் மாவட்டம் பொன்பரப்பி கிராமத்தில் இருதரப்பினர் இடையே மோதல்; வீடுகள் வாகனங்கள் நொறுக்கப்பட்ட நிலையில் காவல்துறையினர் குவிப்பு
  • BREAKING-NEWS தமிழகத்தில் மதுரை மக்களவை தொகுதியை தவிர்த்து மற்ற அனைத்து தொகுதிகளிலும் மக்களவை, சட்டமன்ற இடைத்தேர்தல் வாக்குப்பதிவு நிறைவடைந்தது
  • BREAKING-NEWS பல வாக்குச்சாவடிகளில் பழுதான மின்னணு வாக்குப்பதிவு இயந்திரங்களை மாற்ற வேண்டும்; வாக்குப்பதிவு இயந்திரங்கள் பழுதால் வாக்குப்பதிவு நேரத்தை நீட்டிக்கவும் கோரிக்கை - தேர்தல் அதிகாரியிடம் காங்கிரஸ் வலியுறுத்தல்
  • BREAKING-NEWS பெரம்பலூர் தொகுதியில் உள்ள வெங்கலம் அரசு தொடக்க பள்ளி வாக்குச் சாவடியில் அதிமுகவினர் குடிபோதையில் ரகளை என புகார்
  • BREAKING-NEWS தமிழகத்தில் காலை 9 மணி நிலவரப்படி வெறும் 4.86% வாக்குகள் மட்டுமே பதிவாகியுள்ளன

“தேர்தல் முறையை ஒழிக்க பாஜக முயற்சி” - திருமுருகன் காந்தி குற்றச்சாட்டு

thirumurugan-gandhi-said-bjp-try-to-abolition-election-system

தேர்தல் என்ற முறையை ஒழிக்க பாஜக முயற்சி செய்வதாக மே 17 இயக்கத்தின் திருமுருகன் காந்தி குற்றம் சாட்டியுள்ளார்.

பிரதமர் மோடி, மத்திய அமைச்சர் ராஜ்நாத் சிங், பாஜக தேசியத் தலைவர் அமித் ஷா உள்ளிட்டோர் பாஜகவின் மக்களவைத் தேர்தலுக்கான தேர்தல் அறிக்கையை இன்று வெளியிட்டனர். அதில் 75 சிறப்பம்சங்கள் இடம்பெற்றுள்ளன. 

இந்நிலையில், பாஜக தேர்தல் அறிக்கை குறித்து மே 17 இயக்கத்தின் திருமுருகன் காந்தி விமர்சனம் செய்துள்ளார். இதுகுறித்து அவர் சென்னை பத்திரிகையாளர்கள் மன்றத்தில் செய்தியாளர்களை சந்தித்தார். அப்போது பேசிய அவர், “ மத்தியிலும் மாநிலத்திலும் ஒரே நேரத்தில் தேர்தல் என்பது ஜனநாயக விரோதமானது. தேர்தல் ஆணையம் பாஜகவின் கையில் இருக்கிறது. பாஜகவிற்கு ஏற்ப தேர்தல் ஆணையம் இயங்கி கொண்டிருக்கிறது. தேர்தல் ஆணையம் என்பது அரசியல் சாசன நிறுவனம் என்பதை அவர்களுக்கு நினைவுபடுத்த விரும்புகிறோம். 

நடுநிலையாக தேர்தல் நடத்தக்கூடிய நிலைமை இந்திய அளவிலும் தமிழ்நாடு அளவிலும் இல்லை. மறுபடியும் விவசாயிகளை கடனாளியாக ஆக்க பார்க்கிறார்கள். ஜனநாயக முறையை மூடிவிட்டு நீதிமன்றங்களை தங்கள் கையில் கொண்டுவந்துள்ளனர். இவர்கள் இந்திய ஏழை மக்களுக்கோ விவசாயிகளுக்கோ எந்தத் திட்டத்தையும் அறிவிக்கவில்லை. இந்தியாவின் பொருளாதிட்டம் குறித்து ஆய்வு பூர்வ அறிக்கை இல்லை. கல்வியை பொறுத்தவரை 3.4 சதவிகிதத்தில் இருந்து 2 சதவிகிதத்திற்கு பாஜக அரசு குறைத்துள்ளது. இந்தியா முழுவதும் சமஸ்கிருதத்தை கொண்டுவருவோம் எனக் குறிப்பிட்டுள்ள பாஜக மற்ற மொழிகளை பற்றியும் துறைகளை பற்றியும் பேசவில்லை. தேர்தல் என்ற முறையை ஒழிக்க பாஜக முயற்சி செய்கிறது.” எனத் தெரிவித்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close