நவீன தொழில்நுட்ப மைக் மூலம் முதல்வர் பழனிசாமி பிரச்சாரம்

வட சென்னையில் பரப்புரை மேற்கொண்ட முதலமைச்சர் எடப்பாடி பழனிசாமி, நவீன தொழில்நுட்பத்துடன் கூடிய மைக்கை பயன்படுத்தியது அனைவரையும் கவர்ந்துள்ளது.

அதிமுக கூட்டணியில் அங்கம் வகித்துள்ள தேமுதிக வேட்பாளர் அழகாபுரம் ஆர்.மோகன்ராஜூக்கு ஆதரவாக திருவொற்றியூரி‌ல் முதலமைச்சர் பழனிசாமி பரப்புரை மேற்கொண்டார். கடந்த சில நாட்களாக முதலமைச்சர் பரப்புரையின்போது, சாதாரண வகை மைக்கை பயன்படுத்தி வந்த நிலையில், இன்று நவீன தொழில்நுட்பத்துடன் கூடிய மைக்கை முதலமைச்சர் பழனிசாமி பயன்படுத்தினார். காதில் பொருத்திக்கொள்ளும் வகையிலான மைக்கை முதலமைச்சர் பழனிசாமி பயன்படுத்தியது அனைவரையும்‌ வெகுவாக கவர்ந்தது.

இதுபோன்ற மைக்கை மக்கள் ‌நீதி மய்யம் கட்சியி‌ன் தலைவர் கமல்ஹாசன், தெலுங்கு சேதம் கட்சியின் தலைவரும், ஆந்திர மாநில முதலமைச்சருமான சந்திர பாபு நாயுடு ஆகியோர் உரையின் போது பயன்படுத்தியுள்ளனர். பேசும் ஒலி துல்லியமாக கேட்க வேண்டும் என்பதற்காக இதுபோன்ற நவீன தொழில்நுட்ப‌த்துடன் கூடிய மைக்கை பயன்படுத்துவது அதிகரித்து வருகிறது.