[X] Close
JUST IN
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை
  • BREAKING-NEWS மணல் கடத்தலுக்கு உதவிய எத்தனை அதிகாரிகள் மீது குண்டாஸ் போடப்பட்டுள்ளது? - உயர்நீதிமன்ற கிளை
  • BREAKING-NEWS திருச்சியில் வரும் 25ல் வேட்புமனு தாக்கல் செய்ய உள்ளேன்; தேர்தல் பரப்புரைக்காக ராகுல் காந்தி விரைவில் தமிழகம் வருவார் - திருநாவுக்கரசர்
  • BREAKING-NEWS லோக்பால் அமைப்பின் முதல் தலைவராக முன்னாள் உச்சநீதிமன்ற நீதிபதி பினாகி சந்திரகோஷ் பதவியேற்றார்
  • BREAKING-NEWS தேமுதிக பொருளாளர் பிரேமலதா விஜயகாந்த் 27ம் தேதி முதல் தேர்தல் பரப்புரையை தொடங்குகிறார்

வேட்புமனு தாக்கல் நிகழ்வுகளை வீடியோ பதிவு செய்ய உத்தரவு

need-video-recording-on-nomination-time

மக்களவைத் தேர்தல் மற்றும் சட்டமன்ற இடைத்தேர்தலுக்கான வேட்புமனு தாக்கல் நிகழ்வுகளை வீடியோ பதிவு செய்ய வேண்டும் என மாவட்ட தேர்தல் அதிகாரிகளுக்கு தமிழக தலைமைத் தேர்தல் அதிகாரி சத்யபிரதா சாஹூ உத்தரவிட்டுள்ளார்.

தமிழகத்தில் மக்களவைத் தேர்தல் மற்றும் 18 சட்டமன்றத் தொகுதிகளின் இடைத்தேர்தலுக்கான வேட்பு மனுத்தாக்கல் வரும் 19-ஆம் தேதி தொடங்குகிறது. வேட்புமனு தாக்கலி‌ன்போது, பின்பற்‌றப்பட வேண்டிய விதிமுறைகள் குறித்து, மாவட்ட தேர்தல் அதிகாரிகள் மற்றும் தேர்தல் நடத்தும் அலுவலர்களுக்கு தமிழக தலைமைத் தேர்தல் அதிகாரி சத்யபிரதா சாஹூ கடிதம் அனுப்பியுள்ளார்.

அதில் வேட்புமனு தாக்கலுக்கு வேட்பாளர்கள் 3 வாகனங்களில் மட்டுமே வர வேண்டும் என்றும், வாகனங்களை தேர்தல் அலுவலக அறை அமைந்திருக்கும் பகுதியிலிருந்து, 100 மீட்டர் தொலைவுக்கு முன்பே நிறுத்த வேண்டும் என்பதை உறுதி செய்யுமாறு கேட்டுக்கொள்ளப்பட்டுள்ளது. வேட்புமனு தாக்கல் செய்ய வரும் நபருடன், 4 பேரை மட்டுமே வேட்புமனு தாக்கல் செய்யும் அறைக்குள் அனுமதிக்க வேண்டும் என்று குறிப்பிடப்பட்டுள்ளது.

வேட்புமனு தாக்கல் தொடர்பான நிகழ்வுகளை வீடியோ பதிவு செய்ய வேண்டும் என்றும், ஏதேனும் விதிமீறல் நிகழ்ந்தால் உடனே மாநில தலைமைத் தேர்தல் அதிகாரிக்கு தெரியப்படுத்த வேண்டும் என உத்தரவிடப்பட்டுள்ளது. மேலும் வேட்புமனுத்தாக்கலின்போது பத்திரிகையாளர்களை அனுமதிக்கலாம் என்றும், சூழ்நிலைக்கு தகுந்தவாறு எத்தனை பத்திரிகையாளர்களை அனுமதிப்பது எனத் தேர்தல் நடத்தும் அலுவலர் முடிவு செய்யலாம் எனத் தெரிவிக்கப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close