[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

ஆபத்தை ஏற்படுத்துகிறதா என்.எல்.சி ‌சுரங்கம்?: ‌சக்தி வாய்ந்த வெடிகளை வைப்பதாக புகார்

powerful-explosives-at-nlc-contaminating-drinking-water-and-creating-cracks-in-buildings

என்.எல்.சி.யில் நிலக்கரியை வெட்டி எடுப்பதற்காக அதிக சக்திவாய்ந்த வெடிபொருட்கள் பயன்படுத்தப்படுவதாக, சுரங்கத்தின் அருகில் உள்ள கங்கைகொண்‌டான்புரம் பேரூராட்சி பகுதி மக்கள் புகார் தெரிவிக்கின்றனர். இந்த விவகாரத்தில் மத்திய அரசு தலையிட்டு நடவடிக்கை எடுக்க அவர்கள் கோரிக்கை விடுத்துள்ளனர்.

கடலூர் மாவட்டம் நெய்வேலியில் உள்ள ‌மத்திய அரசின் என்.எல்.சி நிலக்கரி சுரங்கம், கடந்த 1956ஆம் ஆண்‌டு தொடங்கப்பட்டது. 600 மெகாவாட் மின்சாரம் உற்பத்தியுடன் முதல் அனல் மின்நிலையம் தொடங்கிய நிலையில், பிறகு 2வது அனல் மின் நிலையம் அமைக்கப்பட்டது. என்.எல்.சி.யில் இப்போது மொத்தம் 2,990 மெகாவாட் மின்சாரம் உற்பத்தி செய்யப்படுகிறது. ஆண்டுக்கு ஆயிரத்து 500 கோடி ரூபாய்க்கும் அதிகமாக மத்திய அரசுக்கு நிகர லாபம் ஈட்டித் தருகிறது என்.எல்.சி சுரங்கம். சமீப காலமாக என்.எல்.சி. சுரங்கத்தில் மண்ணின் கெட்டித் தன்மையை குறைப்பதற்காக அதிக சக்திவாய்ந்த வெடிபொருட்கள் பயன்படுத்தப்படுவதாகவும், இதனால் தங்களது பகுதிகளில் நில அதிர்வு ஏற்பட்டு வீட்டுச் சுவர்களில் விரிசல் ஏற்படுவதாக கங்கைகொண்‌டான்புரம் கிராம மக்கள் கவலை தெரிவிக்கின்றனர்.

அதிக ஆழத்தில் வெடிகளை வெடிக்கச் செய்வதால் அப்பகுதிகளில் உள்ள ஆழ்துளை கிணறுகளில் தண்ணீர் மண் கலந்து வருவதாகவும், ‌எ‌ன்.எல்.சி. நிலக்கரிச் சுரங்கத்தை சுற்றியுள்ள பகுதிகளில் நிலத்தடி ‌நீர் வேகமாக மாசடைந்து வருவதாகவும் மக்கள் புகார் கூறுகின்றனர்.

எனவே, என்.எல்.சி.யில் அதிக சக்திவாய்ந்த வெடி வைப்பதையும், நிலத்தடி நீர் பாதிப்பையும் தடுக்கக் கோரி, பல கட்சிகளை ஒன்று திரட்டி போராட்டம் நடத்தப்பட்டதாக மக்கள் தெரிவிக்கின்றனர். அதிகாரிகளிடம் புகார் மனு அளித்தும் நடவடிக்கை இல்லை என்று மக்கள் குற்றம்சாட்டுகின்றனர். மத்திய, மாநில அரசுகள் உடனடியாக இதில் தலையிட்டு தீர்வு காண வேண்டும் எனவும் அவர்கள் வலியுறுத்துகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close