[X] Close
JUST IN
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு
  • BREAKING-NEWS கொச்சி விமான நிலையம் மூடல்

தொடர் பைக் திருட்டு: 6 இளைஞர்கள் கைது

6-youths-arrested-in-chennai-for-bike-theft

சென்னையில் தொடர் பைக் திருட்டு மற்றும் வழிப்பறியில் ஈடுபட்ட 6 இளைஞர்கள் கைது செய்யப்பட்டுள்ளனர்.

சென்னை அயனாவரம் பகுதியில் கடந்த சில நாட்களாக சாலையில் நடந்து செல்வோரிடம், செல்போன், தங்கச்சங்கிலி‌கள் பறிக்கும் சம்பவங்கள் பெருகிவிட்டதாக போலீசாருக்கு புகார்கள் வந்தன. இதையடுத்து மாநகர காவல் ஆணையர் விஸ்வநாதன் உத்தரவின்பேரில், தனிப்படை அமைக்கப்பட்டு கண்காணிப்பு தீவிரப்படுத்தப்பட்டது. வாகன சோதனையின்போது, 6 பேர் கொண்ட கும்பலை சந்தேகத்தின் பேரில் பிடித்து போலீசார் விசாரணை நடத்தினர். முன்னுக்குபின் முரணாக பதில் அளித்த கும்பலிடம் விசாரணையை தீவிரப்படுத்தியபோது, செல்போன் மற்றும் நகைப்பறிப்பு செய்தது தெரியவந்தது.

இவர்கள் தொடர்பான சிசிடிவி காட்சிகளும் கிடைத்துள்ளன. இதன்படி, வெளியே நிறுத்திவைக்கப்பட்டுள்ள பைக்குகளை கள்ளச்சாவி போட்டு திருடுவது இவர்களின் வழக்கம். பைக்குகளை திருடிக்கொண்டு செல்லும் வழியில் நகைகள், செல்போன்களை பறிக்கும் இந்த கும்பல், போலீஸ் ரோந்து சுற்றுவது தெரிந்தால் திருட்டு பைக்குகளை விட்டு விட்டு தப்பிச்செல்வதை வாடிக்கையாக கொண்டுள்ளனர். 

ஓட்டேரியை சேர்ந்த சக்திவேல், சூர்யா, பிரகாஷ், சத்யா, சூர்யா என்ற இவர்களிடம் இருந்து 80 ஆயிரம் ரூபாய் மதிப்பிலான 4 செல்போன்கள், 1 லட்சம் ரூபாய் மதிப்புள்ள 4 சவரன் தங்க நகை மற்றும் 7 லட்சம் ரூபாய் மதிப்புள்ள 23 இரு சக்கரவாகனங்கள் ஆகியவற்றை போலீசார் பறிமுதல் செய்தனர். நைன் டூ பைவ் ஜாப் என்பதுபோல, தொழில்முறை வேலை செய்வது போல பைக்குகளை திருடுவதையும், நகைகளை பறிப்பதையும் வழக்கமாக கொண்ட இந்த 6 பேரும் எழும்பூர் நீதிமன்றத்தில் ஆஜர்படுத்தப்பட்டு, புழல் சிறையில் அடைக்கப்பட்டனர்.

வீடியோ

Advertisement:
Advertisement:
Advertisement:
[X] Close