[X] Close
JUST IN
  • BREAKING-NEWS நாங்குநேரி இடைத்தேர்தல் பணப்பட்டுவாடா விவகாரம்: திமுக எம்எல்ஏ சரவணகுமார் மீது மேலும் ஒரு வழக்குப்பதிவு
  • BREAKING-NEWS தொடர் மழை: ஓராண்டுக்குப் பிறகு 100 அடியை எட்டியது பவானி சாகர் அணை
  • BREAKING-NEWS தமிழகத்தில் மேலும் நான்கு நாட்களுக்கு மழை நீடிக்கும் என வானிலை மையம் தகவல்
  • BREAKING-NEWS புரோ‌ கபடி லீக் தொடரில் பெங்கால் ‌வாரியர்ஸ் அணி ‌முதல் முறையாக சாம்பியன்‌. இறுதிப்போட்டியில் தபாங் டெல்லியை வீழ்த்தியது.

பேனருக்கு பதில் இலவச ஹெல்மெட் - ‘காப்பான்’ சூர்யா ரசிகர்கள்

free-helmet-instead-of-banner-surya-fans

புதிய திரைப்படங்கள்‌ வெளியாகும் போது கதாநாயகர்களுக்கு பேனர்கள் வைப்பதற்கு பதிலாக மக்களுக்கு இலவசமாக தலைகவசம் வழங்குங்கள் என நெல்லை மாநகர காவல்துறை துணை ஆணையர் சரவணன் கேட்டுக்கொண்டுள்ளார். இதை ஏற்று நடிகர் சூர்யாவின் நெல்லை மாவட்ட ரசிகர்கள் 200 தலைக்கவசங்களை வழங்க முன் வந்துள்ளனர்.

சென்னையில், பேனர் விழுந்து சுபஸ்ரீ பரிதாபமாக உயிரிழந்ததை தொடர்ந்து, நடிகர்கள் பலர் பேனர் கலாசாரத்தை கைவிடும்படி தங்களது ரசிகர்களுக்கு அறிவுரை கூறி வருகின்றனர். ‘காப்பான்’ திரைப்பட விழாவில் பேசிய நடிகர் சூர்யா, பேனர், கட் அவுட்டுகள் வைக்க வேண்டாம் என ரசிகர்களுக்கு வலியுறுத்தியிருந்தார்.

இந்நிலையில் நடிகர்களின் ரசிகர்கள் பேனர் வைப்பதை விட மக்களுக்கு தலைக்கவசம் வழங்கினால், அவர்களே உண்மையான காப்பான்களாக மாறுவார்கள் என நெல்லை மாநகர காவல் துணை ஆணையர் சரவணன், தனது ட்விட்டர் பக்கத்தில் பதிவிட்டார். இதைத் தொடர்ந்து நெல்லை சூர்யா ரசிகர் மன்றத்தினர், 200 தலைக்கவசங்களை மக்களுக்கு இலவசமாக வழங்க முன்வந்துள்ளது பாராட்டு‌க்களை பெற்று வருகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close