[X] Close
JUST IN
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

''விஜய் சேதுபதி, ஆண்ட்ரியாவின் பின்னணி குரல்: ஏ.ஆர்.ரகுமானின் ஆந்தம்' - எதிர்பார்ப்பில்  'அவென்ஜர்ஸ்: என்ட் கேம்' 

ar-rahman-on-composing-tamil-anthem-for-avengers

வரும்26 ஆம் தேதி வெளியாக உள்ள 'அவென்ஜர்ஸ்: என்ட் கேம்' திரைப்படத்தின் 'மார்வெல் ஆந்தம்' என்ற பாடல் தமிழில் வெளியிடப்பட்டது. 

மார்வெலுக்கு என உலகம் முழுவதும் தனி ரசிகர்கள் பட்டாளமே உள்ளது. இந்நிலையில் அனைவரும் எதிர்ப்பார்த்து காத்திருக்கும் 'அவென்ஜர்ஸ்: என்ட் கேம்' வரும் 26ம் தேதி உலகம் முழுவதும் வெளியாக உள்ளது. இத்திரைப்படத்துக்காக இசையமைப்பாளர் ஏ.ஆர்.ரஹ்மான், ‘மார்வெல் ஆந்தம்' ரிலீஸ் செய்வார் என்று கூறப்பட்டிருந்தது. அதன்படி இந்தியில் ஆந்தம் பாடல் வெளியானது. இந்நிலையில் 'அவென்ஜர்ஸ்: என்ட் கேம்' திரைப்படத்தின் 'மார்வெல் ஆந்தம்' தமிழிலும் வெளியிடப்பட்டது. 

சென்னை அண்ணா சாலையில் உள்ள தனியார் விடுதியில் நடந்த பாடல் வெளியீட்டு விழாவில் இசையமைப்பாளர் ஏ.ஆர்.ரஹ்மான், நடிகர் விஜய் சேதுபதி, நடிகை ஆன்ட்ரியா, பாடலாசிரியர் விவேக் உள்ளிட்டோர் பங்கேற்றனர். மார்வெல் ஆந்தம்' பாடலுக்கு இசையமைத்து பற்றி ஏ.ஆர்.ரகுமான் பகிர்ந்துகொண்டார். 

இந்தப் படத்தின் தமிழ்பதிப்பில் நடிகர் விஜய் சேதுபதி, நடிகை ஆண்ரியா உள்ளிட்டோர் பின்னணி குரல் கொடுத்துள்ளனர். பிளாக் விடோ கதாபாத்திரத்திற்கு நடிகை ஆண்ட்ரியா மற்றும் அயன் மேன் கதாபாத்திரத்திற்கு நடிகர் விஜய் சேதுபதி தமிழில் பின்னணி குரல் கொடுத்துள்ளனர். 

அவெஞ்சர்ஸ் படத்தின் 3 பாகங்கள் ஏற்கெனவே வெளியாகி ரசிகர்களை வசப்படுத்திய நிலையில்  'அவென்ஜர்ஸ்: என்ட் கேம்’ திரைப்படத்துக்கு எதிர்ப்பார்ப்பு எகிறியுள்ளது.

வீடியோ: 


 

Advertisement:
Advertisement:
Advertisement:
[X] Close