[X] Close
JUST IN
  • BREAKING-NEWS இருசக்கர வாகனத்தை ஓட்டுபவருடன் பின்னால் அமர்ந்து செல்பவருக்கும் ஹெல்மெட் கட்டாயம்- உயர்நீதிமன்றம்
  • BREAKING-NEWS ஹெல்மெட் கட்டாயம் என்பதை அமல்படுத்த தமிழக அரசுக்கு சென்னை உயர்நீதிமன்றம் உத்தரவு
  • BREAKING-NEWS இருசக்கர வாகனங்களை விற்கும் நிறுவனங்களே ஹெல்மெட்டையும் இலவசமாக வழங்க வேண்டும்- தமிழிசை சவுந்தரராஜன்
  • BREAKING-NEWS வாகன ஆய்வாளர் வங்கி லாக்கரில் 9.5 கிலோ தங்கம் பறிமுதல்
  • BREAKING-NEWS சென்னை, கடலூர், நாகை துறைமுகங்களில் ஒன்றாம் எண் புயல் எச்சரிக்கை கூண்டு ஏற்றப்பட்டுள்ளது
  • BREAKING-NEWS சென்னையில் இன்று பெட்ரோல் லிட்டருக்கு ரூ.85.48 காசுகளாகவும், டீசல் லிட்டருக்கு ரூ.78.10 காசுகளாகவும் விலை நிர்ணயம்
  • BREAKING-NEWS திமுகவுக்கு எதிராக வரும் 25ம் தேதி மாவட்ட தலைநகரங்களில் கண்டன ஆர்ப்பாட்டம் - முதல்வர் பழனிசாமி

’கர்ணன்’ கதை: பிருத்விராஜுக்கு பதில் விக்ரமை தேர்ந்தெடுத்தது ஏன்? இயக்குனர் விளக்கம்!

vikram-was-initially-sceptical-about-playing-karna-rs-vimal

பிருத்விராஜ் நடிக்க இருந்த படத்தில் விக்ரமை நடிக்க வைத்தது ஏன் என்று ’மகாவீர் கர்ணா’ பட இயக்குனர் விளக்கம் அளித்தார்.

பிருத்விராஜ், பார்வதி, டோவினோ தாமஸ் உட்பட பலர் நடித்து மலையாளத்தில் வெளியான படம், ‘என்னு நின்டே மொய்தீன்’.  இந்த படத்தை ஆர்.எஸ்.விமல் இயக்கி இருந்தார். 1960-களில் கோழிக்கோடு, முக்கம் பகுதியில் நடந்த உண்மைச் சம்பவத்தை அடிப்படையாகக் கொண்டு உருவான இந்தப் படம் சூப்பர் ஹிட்டானது. இதையடுத்து மகாபாரத ’கர்ணன்’ கதையை இயக்க இருப்பதாகக் கூறியிருந்தார் ஆர்.எஸ்.விமல். கடந்த ஆண்டு, துபாயின் புர்ஜ் அல் அராப் ஓட்டலில் நடந்த விழாவில், ‘அடுத்து ’கர்ணன்’ கதையை படமாக்க இருக்கிறேன். இதில் பிருத்விராஜ், கர்ணனாக நடிக்கிறார். 300 கோடி ரூபாய் பட்ஜெட்டில் படம் உருவாகிறது’ என்று அறிவித்திருந்தார். இந்நிலையில் பிருத்விராஜுக்கு பதில் விக்ரம் நடிப்பதாக அறிவிக்கப்பட்டுள்ளது. 

இதுபற்றி இயக்குனர் விமலிடம் கேட்டபோது, ’முதலில் பிருத்விராஜைதான் யோசித்தோம். அவரும் நடிக்க சம்மதித்திருந்தார். ஆனால் அவர், படம் இயக்கும் வேலையில் பிசியாக இருப்பதால், விக்ரமை தேர்ந்தெடுத்தோம். அவரிடம் போனில் இந்த விஷயத்தைச் சொன்னதும், ’’தமிழில் சிவாஜி நடிப்பில் ’கர்ணன்’ வெளியாகி இருக்கிறது. இதே கதை தெலுங்கில் என்டிஆர் நடிப்பில், ’தான வேர சூர கர்ணா’ என வெளியாகி இருக்கிறது. இதைத் தாண்டி என்ன சொல்லிவிட முடியும்?’’ என்று கேட்டார். பிறகு நேரில் சென்று திரைக்கதையை விளக்கினேன். கடந்த மூன்று வருடமாக இந்தக் கதையில் பணியாற்றி வருவதையும் சொன்னேன். பிறகுதான் எனது ஆய்வையும் கதையின் தன்மையையும் உணர்ந்து நடிக்க சம்மதித்தார். விக்ரம் தவிர மற்ற மொழி நடிகர்கள் பலர் இதில் நடிக்க இருக்கிறார்கள். பீமனாக ஹாலிவுட் நடிகர் நடிக்க இருக்கிறார். ’மகாவீர் கர்ணா’ என்று டைட்டில் வைக்கப்பட்டுள்ளது. இந்த வருடம் அக்டோபர் மாதம் ஷூட்டிங் தொடங்குகிறது. அடுத்த வருடம் டிசம்பரில் ரிலீஸ் ஆகும். கனடாவின் நயாகரா நீர்வீழ்ச்சி, ஜெய்ப்பூர் உட்பட பல இடங்களில் ஷூட்டிங் நடக்க இருக்கிறது.  இந்தியில் உருவாகும் இந்தப் படம் மற்ற மொழிகளில் டப் செய்து வெளியிடப்படும்’ என்றார். 

Advertisement:
Advertisement:
Advertisement:
[X] Close