[X] Close
JUST IN
  • BREAKING-NEWS உத்தரப்பிரதேசம் ரயில் விபத்தில் உயிரிழந்தோரின் எண்ணிக்கை 23ஆக உயர்வு
  • BREAKING-NEWS தமிழக அரசியலில் விசிக மாநில சுயாட்சி மாநாடு திருப்பு முனையாக அமையும்: திருமாவளவன்
  • BREAKING-NEWS உத்தரப்பிரதேசம் ரயில் விபத்தில் 4 பேர் உயிரிழப்பு
  • BREAKING-NEWS அதிமுகவின் 3 அணிகளும் எந்த ஒரு கொள்கையும் இல்லாமல் செயல்படுகின்றன: நல்லகண்ணு
  • BREAKING-NEWS உத்தரப்பிரதேசத்தில் ரயில் தடம்புரண்டு விபத்து
  • BREAKING-NEWS திராவிடத்தால் உரமேற்றப்பட்ட மண் திருவாரூர்: முதலமைச்சர் பழனிசாமி
  • BREAKING-NEWS அதிமுகவின் இரு அணிகள் விரைவில் இணையும்: முதலமைச்சர் பழனிசாமி
  • BREAKING-NEWS சென்னை: பள்ளிக்கரணையில் தண்ணீர் லாரி மோதியதில் இளைஞர் உயிரிழப்பு
  • BREAKING-NEWS விரைவில் இரு அணிகளும் இணையும்: முதலமைச்சர் பழனிசாமி
  • BREAKING-NEWS ஜெயலலிதா மரணம் குறித்து மக்களுக்கு சில சந்தேகங்கள் உள்ளது: தமிழிசை
  • BREAKING-NEWS மதுரை: இடையபட்டியில் தேனீக்கள் கொட்டியதில் 20க்கும் மேற்பட்ட பெண்கள் காயம்
  • BREAKING-NEWS அதிமுக அணிகள் இணைப்புக்கு நான் முட்டுக்கட்டையா?: கே.பி.முனுசாமி விளக்கம்
  • BREAKING-NEWS இணைப்பு பற்றிய பேச்சுவார்த்தை சுமுகமாக நடைபெற்று கொண்டு இருக்கிறது: ஓ.பன்னீர் செல்வம்
  • BREAKING-NEWS சென்னை சென்ட்ரல் ரயில் நிலையத்தில் பயணிகள் தங்குவதற்கு கூடுதல் அறைகள் திறப்பு
சினிமா 04 Aug, 2017 12:58 PM

வரிசை கட்டும் மெகா பட்ஜெட் படங்கள்!

kollywood-biggies-get-ready

கடந்த ஏப்ரல் மாதம் வெளியாகி சூப்பர் ஹிட்டானது, ’பாகுபலி-2’ . இந்த வருடத்தின் முதல் பாதியில் வெளியாகி சூப்பர் ஹிட்டான இந்த படத்துக்குப் பிறகு பெரிய பட்ஜெட் படங்கள் வரவில்லை. வருடத்தின் இரண்டாம் பாதியான இப்போது ரிலீஸுக்கு வரிசைக் கட்டி நிற்கின்றன, அரை டஜன் மெகா பட்ஜெட் படங்கள்.

வரும் 11-ம் தேதி வெளியாகிறது, ’வேலையில்லா பட்டதாரி 2’. தனுஷ், கஜோல், அமலாபால், விவேக் உள்பட பலர் நடித்துள்ள இந்தப் படத்தை சவுந்தர்யா ரஜினிகாந்த் இயக்கியுள்ளார். கலைப்புலி எஸ்.தாணுவின் வி கிரியேஷன்ஸும் தனுஷின் வுண்டர்பார் பிலிம்ஸும் இணைந்து தயாரித்துள்ளது. அதே நாளில் வெளியாகிறது, உதயநிதி ஸ்டாலினின் ’பொதுவாக எம்மனசு தங்கம்’. தளபதி பிரபு இயக்கியுள்ள இந்தப் படத்துக்கு இமான் இசை அமைத்துள்ளார். தேனாண்டாள் ஸ்டூடியோ லிமிடெட் தயாரித்துள்ளது.

அடுத்து அதிக எதிர்பார்ப்புக்குள்ளான படமாக, அஜீத்தின் ’விவேகம்’ இருக்கிறது. வரும் 24-ம் தேதி வெளியாகும் இந்தப் படத்தில் அஜீத்துடன் காஜல் அகர்வால், அக்‌ஷரா ஹாசன், விவேக் ஓபராய் உள்பட பலர் நடித்துள்ளனர். சிவா இயக்கியுள்ளார். அஜீத்தின் முந்தைய படத்தை விட, ’விவேகம்’ பிசினஸ் அனைத்து ஏரியாவிலும் அமோகம் என்கிறது கோடம்பாக்கம்.

அட்லி இயக்கத்தில் விஜய் நடிக்கும் ’மெர்சல்’ படம் தீபாவளிக்கு வெளியாக இருக்கிறது. ஸ்ரீதேனாண்டாள் பிலிஸ் தயாரிக்கும் இந்தப் படத்தில் சமந்தா, நித்யா மேனன், காஜல், வடிவேலு உட்பட பலர் நடித்துள்ளனர். விஜய் நடித்த படங்களிலேயே அதிக செலவில் எடுக்கப்பட்ட படம் இது என்கிறார்கள். வரும் 20-ம் தேதி இதன் பாடல் வெளியீடு நடக்க இருக்கிறது.

சிவகார்த்திகேயன், நயன்தாரா நடிப்பில் மோகன் ராஜா இயக்கும் ’வேலைக்காரன்’ படத்தின் ஷூட்டிங் பெரும்பாலும் முடிந்துவிட்டது.  மெகா பட்ஜெட் ஆக்‌ஷன் படமான இதில் பஹத் பாசில், சினேகா, பிரகாஷ் ராஜ் உள்பட பலர் நடித்துள்ளனர். செப்டம்பரில் ரிலீஸ் ஆக இருக்கும் இந்தப் படத்தை, 24 ஏஎம் ஸ்டுடியோஸ் சார்பில் டி.ராஜா தயாரித்திருக்கிறார். 

விஷால் நடிப்பில் மிஷ்கின் இயக்கும் துப்பறிவாளன், கவுதம் வாசுதேவ் மேனன் இயக்கத்தில் விக்ரம் நடிக்கும் துருவநட்சத்திரம், விஜய்சந்தர் இயக்கத்தில் நடித்திருக்கும் ஸ்கெட், வினோத் இயக்கத்தில் கார்த்தி நடித்துள்ள தீரன் அதிகாரம் ஒன்று ஆகிய படங்களின் ஷூட்டிங் இப்போது இறுதி கட்டத்தை எட்டியுள்ளன. இதன் ரிலீஸ் தேதி முடிவு செய்யப்படவில்லை என்றாலும் இந்த வருட ரிலீஸ் லிஸ்டில்தான் இந்தப் படங்களும் இருக்கின்றன.

ஜிஎஸ்டி வரி, பெப்சி பிரச்னையில் தள்ளாடிக்கொண்டிருக்கும் தமிழ் சினிமாவை சந்தோஷத்தில் ஆழ்த்தியிருக்கிறது சமீபத்தில் வெளியாகி ஹிட்டான, ’விக்ரம்-வேதா’, ’மீசைய முறுக்கு’ படங்கள். நல்ல கதையை கொண்ட படங்கள் என்றால் ரசிகர்கள் தியேட்டருக்கு வந்து படம் பார்ப்பார்கள் என்பதை இந்தப் படங்கள் நிரூபித்துள்ளதால் தயாரிப்பாளர்கள் அடுத்த ரிலீஸில் ஆர்வமாக இருக்கிறார்கள். 

Advertisement:
Advertisement:
Advertisement:
[X] Close