[X] Close
JUST IN
  • BREAKING-NEWS சந்திரயான்-2 விண்கலம் செப்.7 ஆம் தேதி நிலவில் தரையிறங்குகிறது - இஸ்ரோ
  • BREAKING-NEWS கர்நாடக அணைகளில் இருந்து காவிரியில் உபரிநீர் திறப்பு வினாடிக்கு 34,000 கன அடியாக அதிகரிப்பு
  • BREAKING-NEWS தமிழகத்தில் ஆவின் பால் விலை லிட்டருக்கு ரூ.6 உயர்வு - தமிழக அரசு
  • BREAKING-NEWS ஆகஸ்ட் 21 முதல் தனியார் தண்ணீர் லாரிகள் வேலை நிறுத்தம்
  • BREAKING-NEWS சாதி, மத அடையாளங்களுடன் மாணவர்கள் வந்தால் நடவடிக்கை- செங்கோட்டையன்

’டேக் இட் ஈசி ஊர்வசி’ பாடலை மெருகேற்றும் இசைப்புயல்

take-it-easy-song-will-be-back-soon

இசைப்புயல் ஏ.ஆர்.ரஹ்மான் இசையில் வெளிவந்த காதலன் படத்தில் இடம்பெற்றிருந்த ‘டேக் இட் ஈசி ஊர்வசி பாடல் புதுப்பொலிவுடன் உருவாக இருக்கிறது.

இயக்குனர் சங்கர் இயக்கத்தில் பிரபு தேவா, நக்மா, வடிவேலு ஆகியோர் நடித்த காதலன் படம் கடந்த 1994ம் ஆண்டு வெளியானது. ஏ.ஆர்.ரஹ்மான் இசையமைத்திருந்த காதலன் படத்தின் பாடல்கள் பட்டிதொட்டியெல்லாம் ஒலித்தது. குறிப்பாக பிரபுதேவா, வடிவேலு கூட்டணியில் வெளிவந்த ’டேக் இட் ஈசி ஊர்வசி’ பாடல் ரசிகர்களிடம் இன்றளவும் பிரபலம். இந்தநிலையில் ஆஸ்கர் நாயகன் ஏ.ஆர்.ரஹ்மான், அந்த பாடலை புதுப்பொலிவுடன் ஒரு மேடை நிகழ்ச்சியில் மீண்டும் மேடையேற்ற முடிவு செய்துள்ளார். இந்த தகவலை தனது பேஸ்புக் பக்கத்தில் பதிவிட்டுள்ள ரஹ்மான், டேக் இட் ஈசி ஊர்வசி பாடல் வரிகளை இன்றைய ட்ரெண்டுக்கு ஏற்றவாறு எழுத ரசிகர்கள் பங்களிக்கலாம் என்றும் குறிப்பிட்டுள்ளார்.

புதிய பாடலில் அமெரிக்க அதிபர் தேர்தல் குறித்தோ, பண மதிப்பிழப்பு விவகாரம் குறித்தோ எழுதாமல், நகைச்சுவை உணர்வு கொண்ட வரிகள் மூலம் அலங்கரிக்குமாறு ரசிகர்களுக்கு அவர் வேண்டுகோள் விடுத்துள்ளார். புதுப்பொலிவுடன், நவீன இசைக்கருவிகள் உதவியுடன் மேம்படுத்தப்பட்ட டேக் இட் ஈசி ஊர்வசி பாடலை ரசிகர்கள் விரைவில் கேட்கலாம்.

Advertisement:
Advertisement:
Advertisement:
[X] Close