[X] Close
JUST IN
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை
  • BREAKING-NEWS மணல் கடத்தலுக்கு உதவிய எத்தனை அதிகாரிகள் மீது குண்டாஸ் போடப்பட்டுள்ளது? - உயர்நீதிமன்ற கிளை
  • BREAKING-NEWS திருச்சியில் வரும் 25ல் வேட்புமனு தாக்கல் செய்ய உள்ளேன்; தேர்தல் பரப்புரைக்காக ராகுல் காந்தி விரைவில் தமிழகம் வருவார் - திருநாவுக்கரசர்
  • BREAKING-NEWS லோக்பால் அமைப்பின் முதல் தலைவராக முன்னாள் உச்சநீதிமன்ற நீதிபதி பினாகி சந்திரகோஷ் பதவியேற்றார்
  • BREAKING-NEWS தேமுதிக பொருளாளர் பிரேமலதா விஜயகாந்த் 27ம் தேதி முதல் தேர்தல் பரப்புரையை தொடங்குகிறார்

திருவாரூர் அருகே ஓஎன்ஜிசி குழாயில் ரசாயனக் கசிவு: விளைநிலம் பாதிப்பு

ongc-pipeline-leak-spoils-agriculture-land-in-thiruvarur

திருவாரூர் அருகே ஓஎன்ஜிசி குழாயில் ‌இருந்து ஏற்பட்ட ரசாய‌னக் கசிவால் 5 ஏக்கரில் பயிரிடப்பட்டுள்ள உளுந்துப் பயிர்கள் பாதிக்கப்பட்டிருப்பதாக புகார் எழுந்துள்ளது.

தென்கரை அருகேயுள்ள வேலங்குடியில் விளைநிலம் வழியாக ஓஎன்ஜிசி குழாய் செல்கிறது. அந்த குழாயில் ஏற்பட்ட விரிசல் காரணமாக அதில் இருந்து வெளியேறும் ரசாயனத்தால் விளைநில‌‌ம் பாதிக்கப்பட்டுள்ளதாக விவசாயிகள் கூறியுள்ளனர்.

இந்த ரசாயனத்தால், நிலத்தில் பயிரிடப்பட்டிருந்த உளுந்து பயிர் கருகியுள்ளதாக விவசாயிகள் வேதனை தெரிவித்துள்ளனர். மேலும், நண்டு போன்‌ற உயிரினிங்களும் இறந்து வருவதாக அவர்கள் கூறுகின்றனர்.

இதனால், விளைநிலத்தின் வழியாக பதிக்கப்பட்டுள்ள குழாய்களை அகற்ற வேண்டும் என்றும், சேதமடைந்த பயிருக்கு இழப்பீடு வழங்க வேண்டும் என்றும் விவசாயிகள் கோரிக்கை விடுத்துள்ளனர்.

ஓஎன்ஜிசி நிறுவனம் மறுப்பு

இதனிடையே, வேலங்குடியில் உடைப்பு ஏற்பட்டுள்‌ள ஓஎன்ஜிசி குழாய் வழியாக சுத்திகரிக்கப்பட்ட தண்ணீர்‌ மட்டுமே செலுத்தப்படுவதாக அந்த நிறுவன அதிகாரி கணேசன் தெரிவித்துள்ளார்.

விவசாயிகள் குற்றம்சாட்டுவது போல் எண்ணெய் மற்றும் சுத்திரிகரிக்கப்படாத தண்ணீர் அந்த குழாய்களில் செலுத்தவில்லை என்று விளக்கமளிக்கப்பட்டுள்ளது. மேலும், உடைப்பு ஏற்பட்ட பகுதியில் ஓஎன்ஜிசி அதிகாரிகள் ஆய்வு நடத்தியதாகவும், சிறிதளவே விளைநிலம் பாதிக்கப்பட்டுள்ளதாகவும் கணேசன் தெரிவித்தார்.

இதனிடையே, சம்பந்தப்பட்ட இடத்தில் விரிவான ஆய்வு நடத்த அதிகாரிகளுக்கு உத்தரவிட்டுள்ளதாக மாவட்ட ஆட்சியர் தெரிவித்துள்ளார். மீண்டும் இது போன்ற விபத்துகள் நடைபெறாத‌வகையில் செயல்பட ஓஎன்ஜிசி நிறுவனத்திற்கு அறிவுறுத்தி உள்ளதாகவும் திருவாரூர் மாவட்ட ஆட்சியர் மதிவாணன் தெரிவித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close