தர்பாரை அடுத்து ரஜினி படத்தில் இணைந்த நயன்தாரா !

ரஜினியின் 168 ஆவது படத்தில் நயன்தாரா நடிப்பது குறித்து அதிகாரப்பூர்வ தகவலை அப்படத்தை தயாரிக்கும் நிறுவனம் அறிவித்துள்ளது.

சிறுத்தை சிவா இயக்கத்தில் ரஜினிகாந்த் நடித்து வரும் படம் 'தலைவர் 168'. இன்னும் தலைப்பிடப்படாத இந்தப்படத்தின் படப்பிடிப்பு தற்போது ஹைதராபாத்தில் உள்ள ராமோஜி ஃபிலிம் சிட்டியில் நடந்து வருகிறது. அதில் நடிகை கீர்த்தி சுரேஷ், குஷ்பு பங்கேற்று நடித்து வருகின்றனர். வழக்கம்போல் இப்படம் குடும்ப சென்டிமெண்ட் திரைப்படமாக இருக்கும் என கூறப்படுகிறது.

சென்டிமெண்ட் காட்சிகளுடன் குடும்பங்களுக்கான திரைப்படங்களை கொடுக்கும் சிவா, அதே பாணியில் இந்த திரைப்படத்தை இயக்கி வருவதாக கூறப்படுகிறது. நீண்ட நாட்களுக்கு பிறகு சென்டிமெண்ட், குடும்பக்கதை என கமர்சியல் படம் என்பதால் நடிகர் ரஜினிகாந்தும் உற்சாகத்துடன் நடித்து வருவதாக கூறப்படுகிறது. ஒரு மிகப்பெரிய நட்சத்திர பட்டாளமே இந்தப் படத்தில் நடித்து வருகிறது.

இந்நிலையில் ரசிகர்களுக்கு இன்ப அதிர்ச்சியாக தயாரிப்பு நிறுவனம் தகவல் ஒன்றை வெளியிட்டுள்ளது. அதாவது நயன்தாரா, தலைவர் 168 படக்குழுவில் இணைந்ததாக அதிகாரப்பூர்வமாக அறிவித்துள்ளது.