[X] Close

‘சராசரியை விட தமிழ்நாட்டில் கூடுதலாக மழை’ - இந்திய வானிலை ஆய்வு மையம்

indian-meteorological-department-report

தமிழ்நாட்டில் கடந்த மாதம் ஒன்றாம் தேதி முதல் நேற்று வரை சராசரியை விட கூடுதலாக மழை பெய்துள்ளதாக இந்திய வானிலை ஆய்வு மையம் தெரிவித்துள்ளது.

தமிழ்நாட்டில் அக்டோபர் மூன்றாவது வாரம் முதல் டிசம்பர் வரை வடகிழக்குப் பருவமழைக் காலமாகும். இந்த ஆண்டில் அக்டோபர் 15ஆம் தேதியே வடகிழக்குப் பருவமழை தொடங்கியது. குமரிக் கடல் பகுதியில் உருவான கியார் மற்றும் மஹா புயல்கள் நேரடியாக தமிழ்நாட்டை நெருங்காத நிலையில், வடகிழக்குப் பருவமழை பரவலாக பெய்தது. 


Advertisement

அக்டோபர் ஒன்றாம் தேதி முதல் 31ஆம் தேதி வரை தமிழ்நாட்டில் சராசரியாக பெய்ய வேண்டிய மழையளவு 17 சென்டி மீட்டர் என்ற நிலையில், இந்த ஆண்டு 22 சென்டிமீட்டர் மழை பெய்துள்ளது. 

இது இயல்பைவிட 27 சதவிகிதம் கூடுதலாகும் என இந்திய வானிலை ஆய்வு மையம் தெரிவித்துள்ளது. இதே காலத்தில் தேசிய அளவில் அக்டோபரில் மழை சராசரி 7 சென்டி மீட்டர் என்ற நிலையில், 11 சென்டி மீட்டர் மழை பதிவானது. இது 44 சதவிகிதம் அதிகம் என்றும் ஒட்டுமொத்தமாக தமிழ்நாடு உட்பட 11 மாநிலங்களில் இயல்பைவிட அதிக மழை பதிவானதாகவும் வானிலை ஆய்வு மையம் தெரிவித்துள்ளது.

Advertisement:

Advertisement

Advertisement
[X] Close