[X] Close

 “கார்த்தியின் சுல்தான் படம் வரலாற்றுப் பின்னணி படமில்லை” - தயாரிப்பு நிறுவனம் 

dream-warrior-pictures-statement-about-sulthan

நடிகர் கார்த்தி நடிக்கும் சுல்தான் திரைப்படம் வரலாற்றுப் பின்னணியோ, திப்புசுல்தான் வரலாற்றையோ கொண்ட படமல்ல என தயாரிப்பு நிறுவனம் தெரிவித்துள்ளது. 

இதுகுறித்து வெளியிட்டுள்ள அறிக்கையில், “டிரீம் வாரியர் பிக்சர்ஸ் தயாரிப்பில் கார்த்தி நடிப்பில் பாக்கியராஜ் கண்ணன் இயக்கத்தில் சுல்தான் திரைப்படம் உருவாகி வருகிறது. இப்படம் திப்பு சுல்தான் வரலாற்றை அடிப்படையாக கொண்டு எடுக்கப்படுவதால் திண்டுக்கல் மலைக்கோட்டையில் படப்பிடிப்பு நடத்தக்கூடாது என ஒரு அமைப்பினர் கடந்த 24 ஆம் தேதி ஆர்ப்பாட்டத்தில் ஈடுபட்டனர். 


Advertisement

இது வரலாற்றுப் பின்னணியோ, திப்புசுல்தான் வரலாற்றையோ கொண்ட படமல்ல. ஒரு திரைப்படம் எதை காண்பிக்க கூடாது என்பதை உறுதி செய்ய தனிக்கைகுழு உள்ளது. இதைதவிர என்ன காண்பிக்க வேண்டும் என்பதை முடிவு செய்யும் உரிமை அந்த திரைப்படத்தின் படைப்பாளிகளுக்கே உள்ளது. 

ஆகவே எந்த ஒரு அமைப்போ, தனி நபரோ படைப்பாளிகளின் சுதந்திரத்தை பாதிக்கும் செயல்களில் ஈடுபடுவதை வன்மையாக கண்டிக்கிறோம்” எனத் தெரிவித்துள்ளது. 

Advertisement:

Advertisement

Advertisement
[X] Close