Published : 18,May 2019 02:21 PM

ஆறு மாநிலங்கள் தண்ணீரை சிக்கனமாக பயன்படுத்த மத்திய அரசு அறிவுறுத்தல்

center-warning-to-six-states

தண்ணீர் பிரச்னை தலையாய பிரச்னையாக உருவெடுத்துள்ள நிலையில் 6 மாநிலங்கள் தண்ணீரை சிக்கனமாக பயன்படுத்த மத்திய அரசு அறிவுறுத்தியுள்ளது.

தமிழகத்தில் கடந்தாண்டு பருவமழை போதிய அளவில் பெய்யவில்லை. இதனையடுத்து கோடைக்காலமான தற்போது மிகப் பெரிய அளவில் தண்ணீர் பிரச்னை ஏற்பட்டுள்ளது. மக்கள் குடிநீருக்காக மிகவும் சிரமப்பட்டு வருகின்றனர். தமிழகம் மட்டுமல்லாமல் இந்தியாவின் பல மாநிலங்களிலும் குடிநீர் பிரச்னை ஏற்பட்டுள்ளது.

இந்நிலையில் தமிழகம் உள்பட 6 மாநிலங்களுக்கு தண்ணீரை சிக்கனமாக பயன்படுத்த மத்திய அரசு அறிவுறுத்தியுள்ளது. மகாராஷ்டிரா, கர்நாடகா, குஜராத், ஆந்திரப் பிரதேசம், தெலங்கானா, தமிழ்நாடு உள்ளிட்ட மாநிலங்களில் உள்ள அணைகளின் நீர்மட்டம் மிகவும் குறைந்து வருவதால் தண்ணீர் பஞ்சம் ஏற்படலாம் என எச்சரிக்கை விடுத்துள்ளது. எனவே இத்தகைய மாநிலங்கள் தண்ணீரை சிக்கனமாக பயன்படுத்த மத்திய அரசு அறிவுறுத்தியுள்ளது.

முன்னதாக வறட்சியால் ஏற்பட்டுள்ள குடிநீர் பற்றாக்குறையை சமாளிக்க, குடிநீரை சிக்கனமாக பயன்படுத்தும்படி தமிழக மக்களுக்கு மாநில அரசு கோரிக்கை விடுத்திருந்ததும் குறிப்பிடத்தக்கது.

சற்று முன்



எடிட்டர் சாய்ஸ்