[X] Close

“கருணாநிதியை பார்க்கவில்லை, அவர் தூங்கிக்கொண்டிருந்தார்” - ரஜினிகாந்த்

Rajinikanth-went-Kauvery-Hospital-and-Meet-Karunanidhi

திமுக தலைவர் கருணாநிதி தூங்கிக் கொண்டிருந்ததால் அவரை பார்க்கவில்லை என நடிகர் ரஜினிகாந்த் தெரிவித்துள்ளார்.

சென்னை காவேரி மருத்துவமனையில் ‌திமுக தலைவர் கருணாநிதி 4ஆவது‌ நாளாக சிகிச்சை பெற்று வருகிறார். உடல் நலக்குறைவு காரணமாக கடந்த ‌28ஆம் தேதி ம‌ருத்துவமனைக்கு அழைத்துச் செல்லப்பட்ட கருணாநிதியின் உடல்நிலை தற்போது சீராக உள்ளது என மருத்துவர்கள் தெரிவித்துள்ளனர். அவரது உடல்நலம் குறித்து, குடியரசு துணைத் தலைவர் வெங்கய்யா நாயுடு, தமிழக ஆளுநர் பன்வாரி‌லால் புரோஹித், தமிழக முதல்வர் எடப்பாடி பழனிசாமி, துணை ‌முதல்வர் ஓ.பன்னீர் செல்வம் ஆகியோர் காவேரி மருத்துவமனைக்கு சென்று விசாரித்துள்ளனர்.


Advertisement

இன்று கருணாநிதியின் உடல்நிலை குறித்து காங்கிரஸ் தலைவர் ராகுல் காந்தி காவேரி மருத்துவமனைக்கு வந்து விசாரித்து சென்றார். இதைத்தொடர்ந்து நடிகர் ரஜினிகாந்த் காவேரி மருத்துவமனைக்கு வந்து கருணாநிதியை நலம் விசாரித்தார். கருணாநிதியின் உடல்நலம் தொடர்பாக விசாரிப்பதற்காக டேராடூனில் இருந்து சென்னை வந்த ரஜினிகாந்த், நேராக காவேரி மருத்துவமனை சென்றார். அங்கு திமுக செயல் தலைவர் ஸ்டாலின் உள்ளிட்டோரை சந்தித்து, கருணாநிதி உடல்நிலை குறித்து கேட்டறிந்தார்.

பின்னர் செய்தியாளர்களிடம் பேசிய அவர், “இந்திய அரசியலின் மூத்த தலைவர்  கருணாநிதியின் உடல்நிலை குறித்து மு.க.அழகிரி, மு.க.ஸ்டாலின் உள்ளிட்டோரிடம் கேட்டறிந்தேன். அவர்களுக்கு ஆறுதல் கூறினேன். அவர் உடல்நிலை குணைமடைய இறைவனிடம் பிரார்த்திக்கிறேன். அவர் தூங்கிக்கொண்டிருந்தார், அதனால் பார்க்கமுடியவில்லை” என்று கூறினார்.

Advertisement:

Advertisement

Advertisement
[X] Close