பெங்களூருவில் ஒரு வீட்டிலிருந்து ஆயிரக்கணக்கான வாக்காளர் அடையாள அட்டைகள் பறிமுதல் செய்யப்பட்டுள்ளன.

கர்நாடக மாநிலத்தில் வரும் 12ஆம் தேதி சட்டப்பேரவை தேர்தல் நடைபெறவுள்ளது.இந்நிலையில் பெங்களூருவில் ஒரு வீட்டிலிருந்து சுமார் 20 ஆயிரம் போலி வாக்காளர் அடையாள அட்டைகள் கண்டுபிடிக்கப்பட்டுள்ளன. இந்த போலி வாக்காளர் அடையாள அட்டை பின்னணியில் ராஜராஜேஸ்வர நகரா தொகுதி காங்கிரஸ் வேட்பாளார் முனிரத்ன நாயுடு இருப்பதாக மத்திய அமைச்சர் சதானந்த கவுடா குற்றம்சாட்டியுள்ளார். போலி வாக்காளர்களை சேர்க்கும்படி அதிகாரிகளுக்கு ஆளும்கட்சியான காங்கிரஸ் கட்சி அழுத்தம் தருவதாகவும் அவர் குறிபிட்டுள்ளார். முனிரத்ன நாயுடு 60 ஆயிரத்திற்கும் மேற்பட்ட வாக்காளர் அடையாள அட்டைகளில் மோசடி செய்திருப்பதாகவும் சதானந்த கவுடா கூறினார். 

பாரதிய ஜனதாவின் குற்றச்சாட்டை மறுத்துள்ள காங்கிரஸ் கட்சி, போலி அடையாள அட்டைகள் கண்டுபிடிக்கப்பட்ட இடம் பாரதிய ஜனதா கட்சியைச் சேர்ந்த மஞ்சுளா நஞ்சமுரி என்பவருக்கு சொந்தமானது என ரந்தீப் சுர்ஜிவா லா தெரிவித்தார்.