காவிரி மேலாண்மை வாரியம்: ஆலோசனைக் கூட்டம் தொடங்கியது

காவிரி மேலாண்மை வாரியம் அமைப்பது தொடர்பாக 4 மாநில அதிகாரிகளின் ஆலோசனைக் கூட்டம் டெல்லியில் நடைப்பெற்று வருகிறது.

மத்திய நீர்வளத்துறை அமைச்சகம் சார்பில் நடைபெறும் ஆலோசனைக் கூட்டத்தில் தமிழகம், கர்நாடகா, புதுச்சேரி, கேரள மாநில அரசுகளின் பிரதிநிதிகள் கலந்துகொண்டுள்ளனர். இதில் தமிழகம் சார்பில் தலைமைச் செயலாளர் கிரிஜா வைத்தியநாதன், பொதுப்பணித்துறை செயலாளர் எஸ்.கே.பிரபாகர் ஆகியோரும் பங்கேற்றுள்ளனர். கர்நாடக தரப்பில் ரத்னபிரபா, புதுச்சேரியில் இருந்து அஸ்வனி குமார், கேரளா தரப்பில் நளினி ஆகியோரும் மேலாண்மை வாரியம் அமைப்பது குறித்து ஆலோசனை கூட்டத்தில் பங்கேற்றுள்ளனர்

காவிரி நதிநீர்ப் பங்கீடு குறித்த வழக்கில் அண்மையில் தீர்ப்பளித்த உச்சநீதிமன்றம், 6 வாரங்களுக்குள் மேலாண்மை வாரியத்தை அமைக்க உத்தரவிட்டது. இதில் 4 வாரங்கள் முடிந்தநிலையில், அடுத்த நடவடிக்கை பற்றி முடிவெடுக்க ஆலோசனைக் கூட்டத்தை மத்திய அரசு நடத்துகிறது.