Published : 10,Jan 2018 11:02 AM

தோனிதான் சிறந்த கேப்டன்: ரெய்னா புகழாரம்

MS-Dhoni-is-the-best-captain-in-IPL-Suresh-Raina

சென்னை சூப்பர் கிங்ஸ் அணிக்காக விளையாட உள்ள சுரேஷ் ரெய்னா, தோனிதான் சிறந்த கேப்டன் என்று கூறியுள்ளார்.

11-வது ஐபிஎல் கிரிக்கெட் போட்டிகள் ஏப்ரல் மே மாதங்களில் நடைபெறவுள்ளது. இதற்காக வருகின்ற ஜனவரி 27, 28-ம் தேதிகளில் வீரர்களுக்கான ஏலம் நடைபெறவுள்ளது. இதனிடையே, அணிகள் தாங்கள் தக்கவைக்கும் வீரர்களை சமீபத்தில் அறிவித்தது. இதில் சென்னை சூப்பர் கிங்ஸ் அணிக்காக மகேந்திர சிங் தோனி, சுரேஷ் ரெய்னா, ஜடேஜா ஆகிய மூன்று பேர் அறிவிக்கப்பட்டனர். 

இந்நிலையில் சென்னை அணிக்காக விளையாடு குறித்து பேசிய ரெய்னா, தோனிதான் சிறந்த கேப்டன் என்று புகழாரம் சூட்டினார். மேலும் அவர் கூறுகையில், “கடந்த 8 ஆண்டுகளாக சென்னை சூப்பர் கிங்ஸ் அணிக்காக நானும் தோனியும் விளையாடியுள்ளோம். எங்களுடைய அணியில் தோனி இருப்பது மிகப்பெரிய பலம். சிஎஸ்கேவில் இருந்து எங்களுக்குக் கிடைத்த அன்பு மிகப்பெரியது. எல்லா போட்டிகளுக்கு அதிக அளவிலான ரசிகர் வருகை தந்து ஆதரவளிக்கிறார்கள். நான் அனுபவம் வாய்ந்த வீரராக மாறியதும் இங்குதான். ஸ்டீபன் பிளமிங், கெப்ளர் வெஸ்சல்ஸ், மேத்யூ ஹைடன், மிக்கேல் ஹஸ்சி ஆகியோருடன் பணியாற்றியுள்ளேன்” என்றார்.

சற்று முன்



எடிட்டர் சாய்ஸ்