[X] Close

ஜிம்பாப்வேயில் அதிகாரத்தை கைப்பற்றிய ராணுவம்: ஆட்சியை கவிழ்க்கவில்லை என விளக்கம்

Robert-Mugabe-s-grip-on-Zimbabwe-ebbing-away-after-military-takes-control

ஆப்பிரிக்க நாடான ஜிம்பாப்வேயில் ராணுவம் அதிரடியாக அதிகாரத்தை‌ கைப்பற்றியுள்ளது. எனினும் ஆட்சிக் கவிழ்ப்பில் ஈடுபடவில்லை என ராணுவ அதிகாரிகள் அறிவித்துள்ளனர்.

நாட்டின் சமூக மற்றும் பொருளாதாரத்தை நசுக்கும் அதிபர் ராபர்ட் முகாபேவுக்கு நெருக்கமான நப‌ர்களை குறிவைத்து ராணுவம் இந்நடவடிக்கையை எடுத்திருப்பதாகக் கூறப்படுகிறது. எனினும் அதிபர் முகாபே வீட்டுக் காவலில் இருப்பதாக அவருடன் தொலைபேசியில் உரையாடிய தென்னாப்பிரிக்க அதிபர் ஜேக்கப் ஸூமா தெரிவித்துள்ளார். அதேசமயம் அதிபர் முகாபேவும் அவரது குடும்பத்தினரும் பாதுகாப்பாக இருப்பதாக ராணுவம் தெரிவித்துள்ளது. ஆனால் அவர் எங்கு இருக்கிறார் என்ற தகவல்கள் வெளியாகவில்லை.

மேலும் ராணுவ நடவடிக்கை தொடர்பாக முகாபேவும் எவ்வித கருத்தும் தெரிவி‌க்‌கவில்லை. துணை அதிபர் எம்மர்சனை பதவியில் இருந்து நீக்கியதை தொடர்ந்து ராணுவம் இந்நடவடிக்கையை எடுத்துள்ளது. இதனால் அங்கு ராணுவ புரட்சி நடந்துள்ளதா என்ற சந்தேகம் வலுத்து வருகிறது. இந்நிலையில் ஜிம்பாப்வேயில் உள்ள இந்தியர்கள் பாதுகாப்பாக இருப்பதாக ஹராரேயில் உள்ள இந்தியத் தூதரக அதிகாரி புதிய தலைமுறையிடம் தொலைபேசி வழியாகத் தெரிவித்துள்ளார்.


Advertisement
Advertisement:

Advertisement

Advertisement
[X] Close