வரவேற்பு அளித்த திருமா, பொன்னாருக்கு நன்றி: கமல்

எண்ணூர் துறைமுக கழிமுக பகுதியை பார்வையிட்டதற்கு வரவேற்பு தெரிவித்த திருமாவளவன், பொன்.ராதாகிருஷ்ணன் உள்ளிட்டோருக்கு நடிகர் கமல்ஹாசன் நன்றி தெரிவித்துள்ளார்.

எண்ணூர் துறைமுக கழிமுகம், சாம்பல் குளம் உள்ளிட்ட பகுதிகளை நடிகர் கமல்ஹாசன் இன்று நேரில் பார்வையிட்டார். மேலும், அப்பகுதி மக்களை சந்தித்தும் பேசினார். அப்போது, சாம்பல் கழிவுகள் கொட்டப்படுவதால் ஏற்படும் பாதிப்புகள் குறித்து மக்களிடம் கேட்டறிந்தார். கமலின் இந்த ஆய்வுக்கு விடுதலை சிறுத்தைகள் கட்சி தலைவர் திருமாவளவன், மத்திய அமைச்சர் பொன்.ராதாகிருஷ்ணன் உள்ளிட்ட பல்வேறு அரசியல் கட்சி தலைவர்களும் வரவேற்று கருத்து தெரிவித்துள்ளனர். அதேபோல் ஆளும் கட்சியைச் சேர்ந்த அமைச்சர்கள் சிலரும் கமலின் ஆய்வை வரவேற்றனர்.

இந்நிலையில் கமல் தனது ட்விட்டரில், “சகோதரர் திருமாவளவன் மற்றும் பொன்னார் போன்றோர்  எனக்களித்த வரவேற்ப்புரைக்கு நன்றி. முன்னோடுவோரின் வாழ்த்துக்கள் என்  ஊக்கத்தை கூட்டுகிறது” என்று கூறியுள்ளார்.