Published : 23,Nov 2022 08:18 PM

குளிர்காலத்தில் மலச்சிக்கல் ஆபத்தானதா? செய்ய வேண்டியவை என்னென்ன?

Constipation-in-Winter-can-be-fatal--how-to-get-rid-of-it-

மலச்சிக்கல் என்பது எல்லோருக்கும் ஏற்படக்கூடிய பொதுவான பிரச்னைகளில் ஒன்று. ஆரோக்கியமற்ற மற்றும் சீரற்ற உணவு மற்றும் வாழ்க்கைமுறையால் குடல் இயக்கம் குறைவதால், செரிமானம் மெதுவாகிறது. இது மலச்சிக்கலுக்கு வழிவகுக்கிறது. சீரற்ற பருவநிலை மாற்றம் மற்றும் சூழல் மாற்றத்தாலும் மலச்சிக்கல் பிரச்னை உண்டாகும் என்கிறது ஆய்வுகள். எப்படியாயினும், குளிர்காலத்தில் குறைந்த அளவே தண்ணீர் குடிப்பதால், உடல் வறட்சி ஏற்பட்டு, மலச்சிக்கலுக்கு வழிவகுக்கிறது. மருத்துவர்களும் அதிகப்படியான திட உணவுகளை உண்பது குடல் இயக்கத்தை மெதுவாக்குகிறது என்கின்றனர்.

குளிர்காலம் குடல் இயக்கத்தை எவ்வாறு பாதிக்கிறது?

குளிர்காலத்தில் பசியின்மை அதிகரிப்பதால், பொதுவாக மக்கள் அதிக உணவை சாப்பிட தூண்டப்படுவர். இது செரிமான மண்டலத்தை மெதுவாக்கி, வயிற்று தசைகளின் இயக்கத்தை மெதுவாக்குகிறது. இதனால் மலச்சிக்கல் ஏற்படுகிறது ஆய்வுகள்.

image

ஆபத்து காரணிகள்

  • தண்ணீர் குறைவாக அருந்துதல் அல்லது உடல் வறட்சி
  • போதிய நார்ச்சத்து உணவுகள் உட்கொள்ளாமை
  • தசைகள் இயக்கக்குறைவு
  • நரம்பு பிரச்னை
  • அசைவின்மை அல்லது அமர்ந்தே இருத்தல்
  • கர்ப்பம்
  • மாத்திரைகளின் பக்கவிளைவு
  • நாள்பட்ட உடல்நலக்குறைவு, வயிறு எரிச்சல், நீரிழிவு போன்ற பிரச்னைகள்

அறிகுறிகள்

  • நாள்பட்ட மலசிக்கல் பிரச்னை இருந்தால் சில அறிகுறிகள் காணப்படும்
  • வாரத்தில் மூன்று அல்லது அதற்கும் குறைவாக மலம் கழித்தல்
  • இறுக்கமான மற்றும் கடினமாக உணர்வு
  • குடல் இயக்கத்தில் சிரமம்
  • எப்போதும் ஒருவித அசௌகர்யம் மற்றும் வாயுத்தொல்லை
  • நாள்பட்ட தலைவலி
  • வயிற்று வலி மற்றும் பிடிப்பு

image

குளிர்காலத்தில் மலச்சிக்கலுக்கு தீர்வு

சாப்பிடும்போது குளிர்ந்த தண்ணீர் அருந்தக்கூடாது: பொதுவாகவே சாப்பிடும்போது தண்ணீர் அருந்தக்கூடாது என்பர். அதிலும் குறிப்பாக உணவுக்கு இடையில் குளிர்காலத்தில் குளிர்ந்த தண்ணீர் அருந்துவது செரிமான மண்டலத்தின் இயக்கத்தை மெதுவாக்குவதுடன், உணவு செரிமானமும் தாமதமாகிறது. குளிர்காலத்தில் உணவுக்குப் பிறகு குறைந்தது 15- 20 நிமிடங்களுக்கு பிறகு, சூடான அல்லது வெதுவெதுப்பான தண்ணீர் குடிப்பது நல்லது.

நார்ச்சத்து அதிகமுள்ள உணவு: குளிர்காலத்தில் அதிகளவு நார்ச்சத்து மிகுந்த உணவுகளை எடுத்துக்கொள்ள வேண்டும். முழு தானியங்கள், ஆரஞ்சு, கொய்யா, திராட்சை போன்ற பழங்கள், காய்கறிகள் மற்றும் ஓட்ஸ் போன்றவற்றை அதிகம் சேர்த்துக்கொள்ள வேண்டும். சாலட்ஸ் மற்றும் கீரைவகைகளை தினசரி சேர்த்துக்கொள்வது சிறந்தது.

மென்று சாப்பிடவேண்டும்: ஆரோக்கியமான உணவு முறைகளை பின்பற்றுவது அவசியம். எப்போதும் உணவை மென்று சாப்பிடுவது செரிமானத்தை எளிதாக்கும்.

மூலிகை உணவுகள்: சோம்பு, கரும் மிளகு, சீரகம் மற்றும் ஏலக்காய் போன்ற மூலிகை மசாலாக்களை தினசரி உணவில் சேர்த்துக்கொள்வது செரிமானத்தை தூண்டும். வறூத்த மற்றும் பதப்படுத்தப்பட்ட உணவுகளை தவிர்ப்பது செரிமானத்தை தூண்டி மலச்சிக்கலை தவிர்க்க உதவும்.

புகைப்பிடித்தல் கூடாது: நாள்பட்ட மலசிக்கல் பிரச்னை இருப்பவர்கள் புகைபிடித்தலை கைவிடவேண்டும். இது உடல் வறட்சியடைவதை தடுக்க உதவும்.

image

குளிர்காலத்திற்கு ஏற்ற உணவுகள்

குளிர்காலத்தில் கீழ்க்கண்ட உணவுகளை எடுத்துக்கொள்வது மெட்டபாலிசத்தை அதிகரிப்பதுடன், செரிமானத்தையும் எளிதாக்கும். இதனால் மலச்சிக்கல் பிரச்னை ஏற்படாது.

1. பேரீச்சை: இயற்கையாகவே இனிப்பு சுவை இருப்பதால் உடலுக்கு தேவையான எனர்ஜியை வழங்குகிறது. பேரீச்சை செரிமானத்தை சீராக்குவதுடன், தினசரி உடலுக்கு தேவையான ஆற்றலையும் வழங்குகிறது.

2. வெந்தயம்: செரிமான பிரச்னைகளை சரிசெய்யும் உணவுப்பொருட்களில் வெந்தயம் முக்கியமான ஒன்று. வெந்தயத்தை இரவு முழுவதும் ஊறவைத்து, காலையில் வெதுவெதுப்பாக தண்ணீருடன் சாப்பிடலாம். இது செரிமானத்தை அதிகரிக்கும்.

3. நெய்: நெய் சுவையை கூட்டுவது மட்டுமல்லாமல், செரிமானத்தையும் அதிகரிக்கிறது. உடல் வலிமையை கூட்டுகிறது. மேலும், உடலில் ஆரோக்கியமான கொழுப்பை சமநிலையில் வைத்திருக்க உதவுகிறது. இந்த ஆரோக்கியமான கொழுப்பானது, வைட்டமின் ஏ, டி மற்றும் இ போன்றவற்றை உடல் உறிஞ்ச உதவுகிறது. சூடான பாலில் நெய் கலந்து குடிப்பது மலச்சிக்கலுக்கு சிறந்த தீர்வு.

4. நெல்லிக்காய்: மலச்சிக்கலை குணப்படுத்தும் இயற்கையான உணவுப்பொருள் பெரிய நெல்லிக்காய்.

5. உலர் திராட்சை: ஒரு கைப்பிடி அளவு உலர் திராட்சையை இரவு முழுவதும் ஊறவைத்து, அந்த தண்ணீரை காலை அருந்தவும். இது வயிறு அசௌகர்யத்தை உடனடியாக சரிசெய்யும்.

சற்று முன்



எடிட்டர் சாய்ஸ்