தெலங்கானா: பிரேக் வயர் பிரச்னையால் திடீரென கடைக்குள் புகுந்த இருசக்கர வாகனம்

தெலங்கானாவில் துணிக்கடை ஒன்றில் இரு சக்கர வாகனமொன்று வேகமாக உள்நுழையும் சிசிடிவி காட்சியொன்று வெளியாகியுள்ளது. எதிர்பாராமல் நுழைந்த அந்த இருசக்கர வாகனத்தை கண்ட துணிக்கடையில் இருந்தவர்கள், விலகி செல்லும் காட்சி பார்ப்போரையும் படபடக்க வைத்துள்ளது.

அந்த இருசக்கர வாகனத்தை ஓட்டியவர், கடையின் உள்ளே நுழைந்தவுடன் தலைக்குப்புற கடையின் கவுண்டரின் உள்ளே விழுகிறார். இருப்பினும்கூட அவர் பெரும் பாதிப்பின்றி பிழைத்துள்ளதாக கடையில் இருப்பவர்கள் தெரிவித்துள்ளனர். கடையின் உள்ளிருந்த மக்களும், சத்தம் கேட்டதால் விலகி சென்று, ஆபத்திலிருந்து தப்பித்துள்ளனர்.

வீடியோ காட்சி வெளியான இடம் தெலங்கானாவின் கம்மம் மாவட்டத்திலுள்ள ஒரு கடையென்பதும், அங்கு கடந்த திங்கள்கிழமை இரவு 8.30 மணியளவில் இச்சம்பவம் நடந்திருப்பது தெரியவந்துள்ளது. இருசக்கர வாகனத்தில் பிரேக் வயரில் ஏற்பட்ட கோளாறால் விபத்து நடந்திருப்பது தெரியவந்துள்ளது.

High-speed bike went uncontrolled and entered a cloth shop, people who were inside the shop were sharply escaped at #Khammam
Recorded in CCTv camera.
#Telangana pic.twitter.com/JNWyi5S4W8

— Surya Reddy (@jsuryareddy67) November 10, 2021