Published : 20,Aug 2017 03:45 PM
தேசியக்கொடி தலைகீழாக அச்சிடப்பட்டதால் சர்ச்சை: வருத்தம் தெரிவித்தது மலேசியா
தென்கிழக்கு ஆசிய விளையாட்டுப் போட்டிக்கான வழிகாட்டுதல் புத்தகத்தில் இந்தோனேஷியாவின் தேசியக்கொடி தலைகீழாக அச்சிடப்பட்டிருந்தது சர்ச்சையை ஏற்படுத்தியுள்ளது.
இதனைக் கண்ட இந்தோனேஷியாவின் விளையாட்டுத்துறை அமைச்சர் இமாம் நக்ராவி, போட்டியை நடத்தும் மலேசியாவுக்கு ட்விட்டர் வாயிலாக தமது கண்டனத்தை தெரிவித்துள்ளார். இதனையடுத்து ‘வெட்கப்படு மலேசியா’ என்ற ஹேஷ்டேக்கில் இந்தோனேஷிய மக்கள் போட்டியின் அமைப்பாளர்களை வறுத்தெடுத்து வருகின்றனர்.
இந்தோனேஷிய கொடிக்கு பதிலாக போலந்து கொடியை வெளியிட்டது மன்னிக்க முடியாதது எனவும் தெரிவித்து வருகின்றனர். இந்த நிலையில் போட்டியை நடத்தும் மலேசியா தங்களின் தவறுக்காக வருத்தம் தெரிவித்திருக்கிறது.
