[X] Close

ஆற்றில் அடித்துச் செல்லப்பட்ட இளைஞரை தேடும் பணி தீவிரம்: அமைச்சர் மஸ்தான் ஆய்வு

தமிழ்நாடு

Intensity-of-search-for-youth-abducted-in-river-Minister-Masdan-study

ஆற்றில் அடித்துச் செல்லப்பட்ட இளைஞரை நான்காவது நாளாக தேடும் பணி தீவிரமாக நடைபெற்று வருகிறது. இதை அமைச்சர் செஞ்சி மஸ்தான் ஆய்வு செய்தார்.

விழுப்புரம் மாவட்டம் செஞ்சியை அடுத்த செவலபுரை பஞ்சாயத்துக்கு உட்பட்ட சிறுவாடி கிராமத்துக்குச் செல்லும் தரைப்பாலத்தில் கடந்த 3 நாட்களுக்கு முன்பாக அடித்துச் செல்லப்பட்ட இளைஞர் சிவகுமார் (35) என்பவரை தேடும் பணி நான்காவது நாளாக நீடித்து வருகிறது.

image


Advertisement

காவல்துறை மற்றும் தீயணைப்புத் துறையினர் கடந்த 3 நாட்களாக தீவிரமாக தேடி வரும் நிலையில், தேடுதல் பணியை துரிதப்படுத்த, தமிழக சிறுபான்மையினர் நல அமைச்சர் செஞ்சி மஸ்தான் சம்பவ இடத்திற்குச் சென்று தேடுதல் பணி குறித்து ஆலோசனை மேற்கொண்டார்

3 நாட்களாக ஆற்றில் அடித்து செல்லப்பட்ட இளைஞர் மீட்கப்படாததால் அக்கிராம மக்கள் மிகுந்த சோகத்தில் இருந்து வருகிறனர். இதையடுத்து கிராம மக்களிடமும் பாதிக்கப்பட்ட குடும்பத்தாரிடமும் அமைச்சர் செஞ்சி மஸ்தான் ஆறுதல் கூறினார்.

Advertisement:

Advertisement

Advertisement
[X] Close