சென்னை - மேற்கு சைதாப்பேட்டை அடுக்குமாடி குடியிருப்புகளில் 14 பேருக்கு கொரோனா!

சென்னை மேற்கு சைதாபேட்டையில் அடுக்குமாடி குடியிருயிருப்புகளின் 7 வீடுகளைச் சேர்ந்த 14 பேருக்கு கொரோனா தொற்று உறுதி செய்யப்பட்டுள்ளது.

இதனால், அந்த அடுக்குமாடி குடியிருப்பில் உள்ள அனைவருக்கும் காய்ச்சல் பரிசோதனை செய்யப்படுகிறது. 14 பேருக்கு கொரோனா தொற்று கண்டறியப்பட்டதைத் தொடர்ந்து, அப்பகுதியில் தடுப்பு போடப்படுள்ளது.

தமிழகம் முழுவதும் கொரோனா பரவல் அதிகரித்துக்கொண்டிருக்கும் சூழலில், மாநிலம் முழுவதும் புதிய கட்டுப்பாடுகளை அரசு விதித்துள்ளது. கொரோனா பரிசோதனையும் அதிகரிக்கப்பட்டுள்ள நிலையில், சென்னையிலுள்ள ஒரே பகுதியின் அடுக்குமாடி குடியிருப்புகளில் தொற்று தீவிரமாகப் பரவி இருப்பது கவனிக்கத்தக்கது.

இதனிடையே, 'சென்னையில் பொது இடங்களில் எச்சில் துப்பினால் ரூ.500 அபராதம் விதிக்கப்படும், தனிமனித இடைவெளியை கடைபிடிக்காவிட்டால் ரூ.500 அபராதம் விதிக்கப்படும். மாஸ்க் அணியாவிட்டால் ரூ.200 அபராதம். வணிக வளாகங்கள், சலூன்கள், ஜிம் உள்ளிட்ட இடங்களில் விதிகளை பின்பற்றாவிட்டால் ரூ.5000 அபராதம் விதிக்கப்படும்' என்று சென்னை மாநகராட்சி அதிரடி நடவடிக்கைகளை எடுத்துள்ளதும் குறிப்பிடத்தக்கது.