[X] Close >

சென்னை அருகே உதவி இயக்குனர் குத்திக் கொலை

Assistant-Director-Murder-near-chennai

மாங்காட்டில் புத்தாண்டு கொண்டாட்டத்தின்போது உதவி இயக்குனர் குத்திக் கொலை செய்யப்பட்டார்.


Advertisement

தேனி மாவட்டத்தைச் சேர்ந்த ருத்ரா(25), வளசரவாக்கத்தில் தங்கி சினிமாத் துறையில் உதவி இயக்குனராக பணிபுரிந்து வந்தார். இன்று புத்தாண்டு பிறந்ததையடுத்து அதனை கொண்டாடுவதற்காக நள்ளிரவு போரூர் அடுத்த ஐயப்பன்தாங்கலில் உள்ள உதவி இயக்குனர் மணிகண்டன் வீட்டிற்கு சென்றுள்ளார். அங்கு அவரது நண்பர்கள் குருசஞ்சய், ராம்குமார் ஆகியோருடன் சேர்ந்து ஒன்றாக மது அருந்தி கேக் வெட்டி புத்தாண்டை கொண்டாடி உள்ளார்கள். அப்போது மணிகண்டனுக்கும், ருத்ராவிற்கும் இடையே ஏற்பட்ட வாக்குவாதத்தின்போது மணிகண்டன் ஆபாசமாக பேசியதால், ருத்ரா கையில் அணிந்திருந்த மோதிரத்தால் முகத்தில் குத்தியதில் மணிகண்டன் நெற்றியில் லேசான காயம் ஏற்பட்டது.

image


Advertisement

தன்னை தாக்கியதால் ஆத்திரம் அடைந்த மணிகண்டன் வீட்டிற்குள் சென்று கத்தியை எடுத்து வந்து ருத்ராவின் வயிற்றில் குத்தியுள்ளார். இதில் ரத்த வெள்ளத்தில் கீழே விழுந்த ருத்ராவை அவரது நண்பர்கள் மீட்டு அரசு மருத்துவமனைக்கு கொண்டு சென்றனர். அங்கு பரிசோதனை செய்த மருத்துவர்கள், அவர் இறந்துவிட்டதாக தெரிவித்தனர். இதுகுறித்து மாங்காடு போலீசாருக்கு தகவல் தெரிவிக்கப்பட்டது. தகவல் அறிந்ததும் சம்பவ இடத்திற்கு விரைந்து வந்த போலீசார் மணிகண்டனை கைது செய்து விசாரித்து வருகின்றனர் புத்தாண்டு கொண்டாட்டத்தின்போது ஆபாசமாக பேசியதால் உதவி இயக்குனரை மற்றொரு உதவி இயக்குனர் குத்திக் கொலை செய்த சம்பவம் பெரும் சோகத்தை ஏற்படுத்தி உள்ளது.

Advertisement:

Advertisement

Advertisement

Advertisement
[X] Close