2-வது டெஸ்ட்: அடிலெய்டு தோல்விக்கு பழிதீர்த்தது இந்தியா

ஆஸ்திரேலிய அணிக்கு எதிரான 2-வது டெஸ்ட் போட்டியில் இந்தியா அபார வெற்றி பெற்றது.

ஆஸ்திரேலிய அணிக்கு எதிராக அடிலெய்டில் நடைபெற்ற முதல் டெஸ்ட் போட்டியில் இந்தியா மிக மோசமான தோல்வியை தழுவியது. இந்நிலையில் ஆஸ்திரேலிய அணிக்கு எதிரான 2-வது டெஸ்ட் போட்டியில் 8 விக்கெட் வித்தியாசத்தில் இந்தியா வெற்றி பெற்று அடிலெய்டு தோல்விக்கு பழிதீர்த்துக் கொண்டது.

2-வது இன்னிங்சில் ஆஸ்திரேலிய அணி 200 ரன்களில் அனைத்து விக்கெட்டுகளையும் இழந்தது. இதனால் 70 ரன்கள் எடுத்தால் வெற்றி என்ற இலக்குடன் இரண்டாம் இன்னிங்சை விளையாடிய இந்திய அணி 2 விக்கெட் இழப்பிற்கு 70 ரன்களை எட்டியது. இதனால் இந்தியா 8 விக்கெட் வித்தியாசத்தில் இந்தியா வெற்றி பெற்றது.

4 போட்டிகள் கொண்ட டெஸ்ட் தொடரில் இரு அணிகளும் 1-1 என சமநிலையில் உள்ளன.