கொரோனா பாதித்த பெண்ணுக்கு பாலியல் துன்புறுத்தல்: மருத்துவமனையின் செக்யூரிட்டி கைது!

வேலியே பயிரை மேய்ந்த கதையாக மருத்துவமனையில் அனுமதிக்கப்பட்டிருந்த கொரோனா பாதித்தப் பெண்ணை பாதுகாப்பு பணியில் ஈடுபட்டிருந்த செக்யூரிட்டியே பாலியல் துன்புறுத்தல் செய்துள்ளது அதிர்ச்சியை ஏற்படுத்தியிருக்கிறது.

மும்பையில் தனியார் மருத்துவமனை ஒன்றில் கொரோனா பாதித்தப் பெண் தனி அறையில் சிகிச்சை பெற்று வந்தார். நள்ளிரவு 2.30 மணியளவில் 21 வயதாகும் செக்யூரிட்டி சூரஜ் என்பவர் திடீரென்று அறையில் நுழைந்து ஆக்சிஜன் அளவை சரிபார்ப்பதுபோல் சரிசெய்து பாலியல் துன்புறுத்துதலில் ஈடுபட்டுள்ளார்.

எதிர்பாராத கொடுமையால் அதிர்ந்துப்போன அப்பெண், எச்சரிக்கை மணியை தொடர்ந்து அடிக்கவே, பதறியடித்து ஓடிவந்த மருத்துவமனை ஊழியர்கள் அனைவரும் திரண்டு பாலியல் துன்புறுத்தலில் ஈடுபட்ட செக்யூரிட்டியை பிடித்து காவல்துறையினரிடம் ஒப்படைத்துள்ளனர்.