சிபிஎஸ்இ தேர்வில் முதலிடம் பிடித்த கூலித்தொழிலாளியின் மகன் -பிரதமர் போனில் அழைத்து பேச்சு

கேரளாவில் சிபிஎஸ்இ தேர்வில் இந்திய அளவில் முதலிடம் பிடித்த கூலிதொழிலாளியின் மகனை பிரதமர் மோடி தொலைப்பேசிவாயிலாக தொடர்பு கொண்டு பேசினார்.

கேரள மாநிலம் எர்ணாகுளம் மாவட்டம் மேரிமங்கலம் பகுதியைச் சேர்ந்த மனோஜ் தங்கம் தம்பதியரின் மகன் வினாயக். தாய் தந்தை இருவரும் கூழித்தொழிலாளர்கள். வினாயக் அப்பகுதியில் அமைந்துள்ள தனியார் சிபிஎஸ்சி பள்ளியில் 12 ஆம் வகுப்பு வணிகவியல் பாடப்பிரிவில் பயின்று வந்தார். அண்மையில் சிபிஎஸ்இ தேர்வு முடிவுகள் வெளியாகின. அதில் அவர் 500 க்கு 493 மதிப்பெண்கள் பெற்று அகில இந்திய அளவில் பட்டியலின மாணவர்களிடையே முதலிடம் பிடித்தார். மூன்று பாடங்களில் 100 சதவீத மதிப்பெண் பெற்றிருப்பது குறிப்பிடத்தக்கது.

 இதனைக் கேள்விப்பட்ட இந்திய பிரதமர் மோடி வினாயக்கை தொலைப்பேசி வழியாகத்தொடர்பு கொண்டு தனது பாராட்டுகளைத் தெரிவித்தார். இந்த உரையாடல் வானொலியிலும் ஒலிப்பரப்பப்பட்டது.

 இது குறித்து அவரது பெற்றோர்கள் கூறும் போது “ பிரதமர் எங்களது மகனை அழைத்துப்பேசியது மிக மகிழ்ச்சியாக உள்ளது. இவை அனைத்தும் கல்வியால் கிடைத்த பலன்” என்றனர். அவரது படிப்பிற்காக பல்வேறு கட்சியினர் உதவிதொகைகளையும், பரிசுகளையும் அளித்து வரும் நிலையில் பாஜக கட்சி சார்பில் வினாயக்கிற்கு 20 ஆயிரம் மதிப்புள்ள ஸ்மார்ட் போன் வழங்கப்பட்டது.