கொடைக்கானலில் அத்திபழ சீசன் துவக்கம்: பறிக்காததால் பறவைக்கு உணவாகும் பழங்கள் !

கொடைக்கானல் மலைப்பகுதிகளில் அத்திபழ சீசன் துவங்கியுள்ளது. கொரோனா ஊரடங்கால் சந்தைப்படுத்த முடியாமல் விவசாயிகள் அவதி.

திண்டுக்கல் மாவட்டம் கொடைக்கானல் மலைப்பகுதிகளில் அத்திபழ சீசன் அமர்க்களமாக துவங்கியுள்ளது. கீழ்மலைப்பகுதிகளில் உள்ள அத்தி மரங்களில், கொத்துக்கொத்தாக பழுத்து தொங்கும் அத்தி பழங்களை அறுவடை செய்து சந்தைப்படுத்த, கொரோனா ஊரடங்கு தடையாக உள்ளதாக அப்பகுதி விவசாயிகள் கூறுகின்றனர்.

வழக்கமாக வட மாநிலங்கள் மற்றும் கேரளாவிற்கும் அதிக அளவில் அனுப்பப்படும் அத்தி பழங்கள், போக்குவரத்து முழுவதும் தடைசெய்யப்பட்டுள்ளதால் வெளியிடங்களுக்கு அனுப்பமுடியாமல் மரத்திலேயே விட்டு விட்டதாக கூறுகின்றனர். அறுவடை செய்யாததால் இந்த ஆண்டு அத்தி பழங்கள் பறவைகளுக்கு நல்ல உணவாகும் என்றும் அவர்கள் கூறுகின்றனர்.