‌ப.சிதம்பரத்திற்கு ஜாமீன் கிடைக்குமா..?: இன்று விசாரணை

ஐஎன்எக்ஸ்‌ மீடியா முறைகேடு வழக்கில் ‌முன்னாள் ‌மத்திய நிதியமைச்சர் ப‌.சிதம்பரம் தாக்கல் செய்த ஜாமீன் மனு‌ உச்சநீதிமன்றத்தில் இன்று‌ விசாரணைக்கு‌ வருகிறது.

சிதம்பரத்தின் ஜாமீன் மனு நீதிபதிகள் ஆர். பானுமதி மர்றும் ரிஷ்கேஷ் ராய் ஆகியோர் கொண்ட அமர்வில் விசாரிக்கப்ப‌டவுள்ளது. இந்த வழக்கு தொடர்பாக சிதம்பரம் கடந்த ஆகஸ்ட் 21-ம் தேதி கைது செய்யப்பட்டார்.‌ திகார் சிறையில் அடைக்கப்பட்டுள்ள அ‌வரது நீதிமன்‌றக் காவலை வரும் 17-ம் தேதி‌வரை நீட்டித்து‌ டெல்லி நீதிமன்றம் நேற்று உத்தரவிட்டிருந்தது‌. இந்நிலையில் அவர் தாக்கல் செய்துள்ள ஜாமீன் மனு உச்சநீதிமன்றத்தில் இன்று விசாரணைக்கு வர உள்ளது.

சிதம்‌பரம் மத்திய நிதியமைச்சராக இருந்த போது ஐஎன்எக்ஸ் மீடியா நிறுவனத்தில் அந்நிய முதலீட்டுக்கு அனுமதி அளித்ததில் முறைகேடு நடைபெற்றதாக சிபிஐயும், அமலாக்கத்துறையும் வழக்குகள் பதிவு செய்துள்ளன.