டாஸ் வென்றது தென்னாப்பிரிக்கா - இங்கிலாந்து முதல் பேட்டிங்

உலகக் கோப்பையின் முதல் லீக் போடியில் தென்னாப்பிரிக்கா அணிக்கு எதிராக இங்கிலாந்து முதல் பேட்டிங் செய்கிறது.

கிரிக்கெட் ரசிகர்கள் பெரிதும் எதிர்பார்த்து காத்திருந்த உலகக் கோப்பை போட்டி இன்று இங்கிலாந்தின் லண்டனில் தொடங்கியுள்ளது. 10 அணிகள் பங்கேற்கும் இந்தப் பிரம்மாண்ட தொடரின் முதல் போட்டியில் தென்னாப்பிரிக்கா மற்றும் இங்கிலாந்து ஆகிய அணிகள் மோதுகின்றன. லண்டனில் உள்ள கென்னிங்க்டான் ஓவல் மைதானத்தில் நடைபெறும் இப்போட்டியில், தென்னாப்பிரிக்க அணி டாஸ் வென்று முதலில் பந்துவீச தீர்மானித்துள்ளது. இதனால் இங்கிலாந்து அணி முதல் பேட்டிங்கை தொடங்கியுள்ளது.

இங்கிலாந்து அணியில் பவுலர்கள் டாம் குரான், மார்க் உட் ஆகியோருக்கு வாய்ப்பளிக்கப்படவில்லை. அவர்களுக்குப் பதிலாக ஜோஃப்ரா ஆர்ச்சர் மற்றும் அதில் ரஷித் ஆகியோர் அணியில் சேர்க்கப்பட்டுள்ளனர். தென்னாப்பிரிக்க அணியில் ஆல்ரவுண்டர் கிரிஸ் மோரிஸ் மற்றும் பேட்ஸ்மேன் டேவிட் மில்லர் சேர்க்கப்படவில்லை. ஜே.பி.டுமினி மற்றும் பெஹ்லுக்வயோ ஆகியோர் சேர்க்கப்பட்டுள்ளனர். இங்கிலாந்து அணியில் தொடக்க ஆட்டக்காரரான பேரிஸ்டோவ் ரன் எதுவும் எடுக்காமல் பூஜ்ஜியத்தில் அவுட் ஆனார்.