[X] Close >

"இடைத்தேர்தல் அறிவிப்பு திமுகவுக்கு கிடைத்த முதல் வெற்றி" - மு.க.ஸ்டாலின்

Bypoll-election-announcement-is-the-first-victory-of-DMK-says-stalin

நிறுத்தி வைக்கப்பட்ட தொகுதிகளுக்கும் சேர்த்து, தற்போது 22 சட்டப்பேரவை தொகுதிகளுக்கும் இடைத்தேர்தல் அறிவிக்கப்பட்டிருப்பது திமுகவுக்கு கிடைத்த முதல் வெற்றி என அக்கட்சியின் தலைவர் மு.க.ஸ்டாலின் தெரிவித்துள்ளார்.


Advertisement

தென்காசி தொகுதி மக்களவை வேட்பாளர் தனுஷ்குமாரை ஆதரித்து, சங்கரன்கோவிலில் திமுக தலைவர் ஸ்டாலின் பரப்புரை மேற்கொண்டார். அ‌ப்போது பேசிய அவர், ''இடைத் தேர்தலில் திமுக வெற்றிப் பெற்று,‌ பெரும்பான்மை பலம் பெற்றுவிடக் கூடாது என்பதற்காகவே, 4 தொகுதிகளுக்கான தேர்தலை தேர்தல் ஆணையத்துடன் கைகோர்த்து, மத்திய, மாநில அரசுகள் நிறுத்தி வைத்திருந்ததாக குற்றம்சாட்டினார். ஆனால், உச்சநீதிமன்றத்தில் முறையிட்டதால், தற்போது 22 தொகுதிகளுக்கும் தேர்தல் அறிவி‌ப்பு வெளியாகி இருக்கிறது என்றும், இதுவே திமுகவுக்கு கிடைத்த முதல் வெற்றி என்றும் ஸ்டாலின் பேசினார்.


Advertisement

மத்தியில் மோடி ஆட்சி வீட்டுக்கு அனுப்பப்பட்ட உடனே, தமிழகத்திலும் எடப்பாடி பழனிசாமி ஆட்சி வீட்டுக்கு அனுப்பப்படும் என்று ஸ்டாலின் தெரிவித்தார். இந்து மதம் பாஜகவுக்கு மட்டுமானது அல்ல என்று கூறிய ஸ்டாலின், தாங்கள்தான் இந்து மதத்தின் பாதுகாவலர் என்பது போல் பாஜகவினர் நினைத்துக் கொண்டிருப்பதாக அவர் குற்றம்சாட்டினார். எந்த ஒரு ஜாதிக்கும், மதத்திற்கும் திமுக எதிரானது அல்ல என்றும் ஸ்டாலின் கூறினார். 

மத்தியில் மதச்சார்பற்ற நல்ல அரசு அமைய வேண்டும், எல்லா மதங்களையும் அரவணைக்கும் ஆட்சி அமைய வேண்டும் என்று தேர்தல் அறிக்கையில் தெரிவித்துள்ளதாகவும் ஸ்டாலின் குறிப்பிட்டார்.

Advertisement:

Advertisement

Advertisement

Advertisement
[X] Close