[X] Close >

புதுக்கோட்டையில் லாரியும் காரும் நேருக்குநேர் மோதி விபத்து

Pudhukottai-lorry-and-car-accident-3-Died

புதுக்கோட்டை மாவட்டம் ஆதனக்கோட்டை அருகே லாரியும் காரும் மோதிக்கொண்ட விபத்தில் சம்பவ இடத்திலேயே மூன்று பேர் உயிரிழந்தனர்.


Advertisement

புதுக்கோட்டையிலிருந்து தஞ்சாவூர் நோக்கிச் சென்ற காரும், தஞ்சாவூரில் இருந்து புதுக்கோட்டை நோக்கி வந்த டிப்பர் லாரியும் வண்ணாரபட்டி விளக்கு என்ற இடத்தில் நேருக்குநேர் மோதிக் கொண்டன. இதில் கார் மீது லாரி ஏறியதில், அதில் பயணம் செய்த மூன்று பேர் உடல்நசுங்கி உயிரிழந்தனர். இதையடுத்து சம்பவ இடத்திற்கு வந்த போலீசார் மற்றும் பொதுமக்கள் காருக்குள் நசுங்கி கிடந்த மூன்று பேரின் உடல்களையும் போராடி மீட்டனர்.

இறந்தவர்கள் புதுக்கோட்டை கம்பன் நகரைச் சேர்ந்த கனகராஜ், உதயகுமார், திருவப்பூரைச் சேர்ந்த சுந்தரராஜன் என்பது போலீசாரின் விசாரணையில் தெரிய வந்தது. சம்பவ இடத்தில் ஆய்வு செய்த புதுக்கோட்டை எஸ்.பி. செல்வராஜ், விபத்திற்கான காரணம் குறித்து விசாரனை மேற்கொண்டு வருகிறார். இறந்தவர்களின் உடல்கள் உடற்கூறு ஆய்வுக்காக புதுக்கோட்டை அரசு மருத்துக் கல்லூரி மருத்துவமணைக்கு கொண்டு செல்லப்பட்டது. இச்சம்பவம் குறித்து வழக்குப்பதிவு செய்துள்ள ஆதனக்கோட்டை போலீசார், தப்பியோடிய லாரி ஓட்டுநர் மணிகண்டனை தேடி வருகின்றனர்.


Advertisement

வீடியோ

Advertisement:

Advertisement

Advertisement

Advertisement
[X] Close