விஜய் சேதுபதியின் புரியாத புதிர் ட்ரெய்லர்... இது புதுசு!

விஜய் சேதுபதி நடித்துள்ள புரியாத புதிர் படத்தின் இரண்டாவது ட்ரெய்லர் வெளியாகி வரவேற்பை பெற்று வருகிறது.

விஜய் சேதுபதி நடித்திருந்த ‘விக்ரம் வேதா’ ரசிகர்களிடையேயும், விமர்சன ரீதியாகவும் நல்ல வரவேற்பை பெற்று வருகிறது. இதனைத் தொடர்ந்து ரஞ்சித் ஜெயக்கொடி இயக்கியுள்ள ‘புரியாத புதிர்’ பட ட்ரெய்லர் வெளியாகி இருக்கிறது.

‘புரியாத புதிர்’ பல மாதங்களாக ரிலீஸ் ஆகாமல் தாமதமாகி வந்தது. செப்டம்பர் 1 ஆம் தேதி இப்படம் ரிலீஸாக இருக்கிறது. விஜய் சேதுபதிக்கு ஜோடியாக இப்படத்தில் காயத்ரி நடித்துள்ளார். செப்டம்பர் 8 ஆம் தேதி அவர் நடித்துள்ள மற்றொரு படமான ‘இடம் பொருள் ஏவல்’ வெளியாக இருக்கிறது.

தற்போது விஜய் சேதுபதி பிரேம் குமாரின் ‘96’, பன்னீர்செல்வத்தின் ‘கருப்பன்’, தியாகராஜன் குமாரராஜாவின் ‘அநீதி கதைகள்’, ஆறுமுக குமாரின் ‘ஒரு நல்ல நாள் பாத்து சொல்றேன்’, பாலாஜி தரணீதரனின் ‘சீதக்காதி’, கோகுல் இயக்கும் ‘கஞ்சன் ஜங்கா’ உள்ளிட்ட படங்களில் நடித்து வருகிறார்.