[X] Close
JUST IN
  • BREAKING-NEWS மக்களவை தேர்தலில் சிதம்பரம் தொகுதியில் போட்டியிடும் விசிகவின் திருமாவளவனுக்கு பானை சின்னம் ஒதுக்கியது தேர்தல் ஆணையம்
  • BREAKING-NEWS மக்கள் கணிப்பைத்தான் பார்க்க வேண்டும்; கருத்துக்கணிப்பை முழுமையாக ஏற்க முடியாது - தம்பிதுரை
  • BREAKING-NEWS லண்டன் நீதிமன்றத்தில் வைர வியாபாரி நிரவ் மோடி தாக்கல் செய்த ஜாமீன் மனு தள்ளுபடி; இந்திய மதிப்பில் ரூ.4.50 கோடி பிணைத்தொகை செலுத்த தயாராக இருப்பதாக நிரவ் மோடி தரப்பு வாதம்
  • BREAKING-NEWS 2019 மக்களவை தேர்தலில் நான் போட்டியிடுவேனா என்பது குறித்து 24 ஆம் தேதி அறிவிக்கப்படும் - கமல்ஹாசன்
  • BREAKING-NEWS 2019 மக்களவை தேர்தலில் தான் போட்டியில்லை என மாயாவதி அறிவிப்பு
  • BREAKING-NEWS அரசியலுக்கு வாரிசுகள் வரக்கூடாது என்பது எந்த சட்டத்திலும் இல்லை- மதுரையில் ஒபிஎஸ் பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 75.59 காசுகளாகவும், டீசல் லிட்டருக்கு ரூ. 70.59 காசுகளாகவும் விலை நிர்ணயம்

இன்னொரு போர் தேவையில்லை: மலாலா கருத்து

we-dont-need-another-war-malala

இந்தியா- பாகிஸ்தான் இடையே எல்லையில் பதற்றம் நிலவி வரும் நிலையில், இன்னொரு போர் தேவையில்லை என்று மலாலா தெரிவித்துள்ளார்.

காஷ்மீர் மாநிலம் புல்வாமாவில் கடந்த 14-ஆம் தேதி, நடத்தப்பட்ட பயங்கரவாத தாக்குதலில் 40 சிஆர்பிஎப் வீரர்கள் வீரமரணம் அடைந்தனர். இந்தத் தாக்குதலுக்கு பாகிஸ்தானின் ஜெய்ஷ்- இ- முகமது தீவிரவாத அமைப்பு பொறுப்பேற்றது. இதற்கு பதிலடியாக பாகிஸ்தானுக்குள் நுழைந்த இந்திய விமானப்படை ஜெய்ஷ் இ முகமது தீவிரவாத அமைப்பின் முகாம்களை அழித்தது. இதையடுத்து நேற்று காலை இந்திய எல்லைக்குக்குள் அத்துமீறிய பாகிஸ்தான் போர் விமானத்தை இந்திய ராணுவம் விரட்டியடித்தது. அந்த பதில் தாக்குதலின் போது இந்திய விமானி அபிநந்தனை பாகிஸ்தான் சிறைபிடித்தது. இதனால் இந்திய- பாகிஸ்தான் எல்லையில் பதற்றம் நீடித்து வருகிறது.

இந்நிலையில் அமைதிக்கான நோபல் பரிசு வென்றவரும், பாகிஸ்தான் நாட்டை சேர்ந்த மாணவியுமான மலாலா, இன்னொரு போர் தேவையில்லை என தெரிவித்துள்ளார். இதுதொடர்பாக அறிக்கை வெளியிட்டுள்ள அவர், “ எல்லையில் அதிகரித்து வரும் பதற்றம் காரணமாக, அங்கு வசிக்கும் இருநாட்டு மக்களின் நிலைமை கவலை அளிக்கிறது.

போரின் கொடூரங்கள் குறித்து அனைவருக்கும் தெரியும். பதிலடி கொடுப்பதோ, பழிக்கு பழி வாங்குவதோ எப்போதும் சரியான முடிவாக இருக்காது. ஒருவேளை தொடங்கினால் முடிவது கடினமாகிவிடும். ஏற்கெனவே நடைபெற்ற போரால் லட்சகணக்கான மக்கள் இன்றுவரை பாதிக்கப்பட்டுள்ளனர். நமக்கு இன்னொரு போர் தேவையில்லை. போரால் பாதிக்கப்பட்ட மக்களை இவ்உலகம் அவ்வளாக கண்டுகொள்வதும் இல்லை.

இந்திய பிரதமர் மோடியும், பாகிஸ்தான் பிரதமர் இம்ரான் கானும் கடினமான நேரங்களில் தான் உண்மையான தலைமை பண்மை காண்பிக்க வேண்டும். இருவரும் ஒன்றாக அமர்ந்து, கைகுலுக்கி தற்போதைய நிலைக்கு பேச்சுவார்த்தை மூலம் தீர்வு காண வேண்டும். அத்துடன் நீண்ட நாள் பிரச்னையான காஷ்மீர் பிரச்னைக்கும் பேச்சுவார்த்தை மூலம் தீர்வு எட்டப்பட வேண்டும். இந்தியா- பாகிஸ்தான் பேச்சுவார்த்தைக்கு சர்வதேச சமூகமும் ஆதரவு அளிக்க வேண்டும். இரண்டு நாட்டு மக்களுக்கும் உண்மையான எதிரி யார் என்பது தெரியும். அதாவது தீவிரவாதம், வறுமை, கல்வியறிவின்மை, சுகாதார நெருக்கடிகள் தான் உண்மையான எதிரியே தவிர ஒரு நாடு மற்றொரு நாடுக்கு எதிரி அல்ல” என கூறியுள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close