[X] Close
JUST IN
  • BREAKING-NEWS உளவு பார்த்த புகாரில் கைது செய்யப்பட்டு பாகிஸ்தான் சிறையில் உள்ள குல்பூஷண்ஜாதவ் விவகாரத்தில் இந்தியாவிற்கு சாதகமான தீர்ப்பு: சாதகமான தீர்ப்பு வந்துள்ளதால்,அவரை பாகிஸ்தான் தூக்கிலிட முடியாது;பாகிஸ்தான் தனதுதீர்ப்பை மறுபரிசீலனை செய்யவேண்டும் -சர்வதேச நீதிமன்றம்
  • BREAKING-NEWS இந்த ஆண்டு ரூ.600 கோடி செலவில் 2 ஆயிரம் புதிய பேருந்துகள் வாங்கப்படும் - முதல்வர் பழனிசாமி அறிவிப்பு
  • BREAKING-NEWS தமிழகம், புதுச்சேரியில் 2 நாட்களுக்கு மிதமான மழைபெய்ய வாய்ப்பு - சென்னை வானிலை ஆய்வு மையம்
  • BREAKING-NEWS ஹைட்ரோ கார்பன், நியூட்ரினோ போன்ற அனைத்து திட்டங்களுமே வளர்ச்சிக்கான திட்டம் - தமிழிசை சவுந்தரராஜன்
  • BREAKING-NEWS அண்ணா பல்கலைக்கழக கல்விக் கட்டணம் உயர்வு : அட்டவணை வெளியீடு
  • BREAKING-NEWS ”உள்ளாட்சித் தேர்தலுக்கான அறிவிப்பு அக்டோபரில் வெளியாகும்” - மாநில தேர்தல் ஆணையம்
  • BREAKING-NEWS கர்நாடக அணைகளில் இருந்து தமிழகத்திற்கு காவிரி நீர் திறப்பு

நிலவில் முளைத்த பருத்தி விதைகள் - சீனா பெருமிதம் 

china-s-moon-mission-sees-first-seeds-sprout

நிலாவுக்கு அனுப்பப்பட்ட விண்கலத்தில் உள்ள பருத்தி விதைகள் முளைக்க தொடங்கியுள்ளதாக சீனா தெரிவித்துள்ளது. பருத்தி விதைகள் முளைக்கும் புகைப்படத்தையும் சீனா பகிர்ந்துள்ளது. 

நிலவின் மறுபக்கத்தை ஆய்வு செய்வதற்காக சீனா அனுப்பிய சேஞ்ச் 4 விண்கலம் தனது ஆய்வை மேற்கொண்டு வருகிறது. தாதுக்கள் மற்றும் கனிமங்கள் கொட்டிக் கிடக்கும் பொக்கிஷமாக நிலவு இருப்பதால், அதன் மறுபக்கத்தை ஆய்வு செய்வது இன்றைய தேவையாக உள்ளதாக சீனா தெரிவித்தது. இந்த ஆய்வில் நிலவில் உள்ள கனிமங்கள், கதிர்வீச்சின் அளவு, உயிர்கள் வாழ்வதற்கான சூழ்நிலைகள் எந்த அளவில் உள்ளன உள்ளிட்ட பல முக்கிய ஆராய்ச்சிகள் முன்னிலைப்படுத்தப்பட்டுள்ளன. 

உயிர்கள் வாழ்வதற்கான சூழ்நிலைகளை ஆராய ஏதுவாக விண்கலத்தோடு சேர்த்து உருளைக்கிழங்கு, பருத்தி விதைகள், அராபிடாப்சிஸ் தாவர விதை மற்றும் பட்டுப்பூச்சி முட்டைகள் ஆகியவை கொண்டு செல்லப்பட்டன. நிலவில் உள்ள தட்பவெப்பமும், சூழ்நிலையும் ஏதுவாக இருந்தால் தாவர விதைகள் முளைக்க வாய்ப்புள்ளதாகவும் சீன விஞ்ஞானிகள் தெரிவித்தனர். 

அதன்படி விண்கலத்தோடு சேர்த்து அனுப்பப்பட்ட பருத்தி விதை முளைக்க தொடங்கியுள்ளதாக சீனா தெரிவித்துள்ளது. பருத்தி விதை முளைக்கும் புகைப்படங்களையும் விண்கலம் அனுப்பியுள்ளது. இது நல்ல முன்னேற்றம் என்றும், நிலவில் தாவரங்கள் வளர்ந்தால் அது மற்ற உயிரினங்கள் வாழவும் வழிவகுக்கும் என்றும் ஆராய்ச்சியாளர்கள் தெரிவித்துள்ளனர்.

Advertisement:
Advertisement:
Advertisement:
[X] Close