[X] Close
JUST IN
  • BREAKING-NEWS மத்திய அரசு நல்லது செய்தால் அதை ஆதரிப்போம்; மக்களுக்கு எதிராக எது இருந்தாலும் அதை எதிர்ப்போம் - அமைச்சர் காமராஜ்
  • BREAKING-NEWS மேற்குவங்கத்தில் குடியுரிமை திருத்த சட்டம், குடிமக்கள் பதிவேடு முறை அமல்படுத்தப்படாது; இதற்கு எதிராக யாரும் வன்முறையில் ஈடுபட வேண்டாம் - முதல்வர் மம்தா பானர்ஜி
  • BREAKING-NEWS மு.க.ஸ்டாலினை சந்தித்து தனக்கு வழங்கப்பட்ட சிறந்த நாடாளுமன்ற மாநிலங்களவை உறுப்பினருக்கான விருதை காண்பித்து வாழ்த்துப்பெற்றார் திருச்சி சிவா
  • BREAKING-NEWS எனது விளக்கத்தை ஏற்று என்னை அன்புடன் நலம் விசாரித்து வழியனுப்பிய கமலுக்கு நன்றி - ராகவா லாரன்ஸ்
  • BREAKING-NEWS என் பெயர் ராகுல் காந்தி; ராகுல் சவார்கர் அல்ல; உண்மையை பேசியதற்காக நான் ஒருபோதும் மன்னிப்பு கேட்க மாட்டேன் - ராகுல் காந்தி
  • BREAKING-NEWS நாட்டுக்காக மக்கள் குரல் எழுப்பாமல் அமைதியாக இருந்தால் அரசியலமைப்பு அழிக்கப்படும் - பிரியங்கா காந்தி
  • BREAKING-NEWS வளிமண்டல மேலடுக்கு சுழற்சியால் 20ஆம் தேதிக்கு பின் கனமழை பெய்ய வாய்ப்பு - வானிலை ஆய்வு மையம்

குடியாத்தம் அருகே அனகோண்டா பாம்பா..?: வீடியோ குறித்து வனத்துறை விளக்கம்

snake-in-tn-andhra-border-near-gudiyattam

குடியாத்தம் அடுத்த மலைப் பகுதியில் அனகோண்டா பாம்பு உள்ளதாக சமுக வலைத்தளங்களில் வேகமாக பரவி வரும் வீடியோவால் விவசாயிகள் அதிர்ச்சி அடைந்துள்ளனர்.

வேலூர் மாவட்டம் குடியாத்தம் அடுத்த மோர்தானா அணை  தமிழகம்-ஆந்திரா மாநில எல்லை பகுதிகளில் அமைந்து உள்ளது. ஆந்திராவில் அதிகளவில் மழை பெய்து வருவதால் மலைகள் வழியாக மோர்தானா அணைக்கு நீர்வரத்து அதிகரித்துள்ளது. அணைக்கு பின் பகுதியில் உள்ள காட்டு பகுதியில் ராட்சத மலைப் பாம்பு ஒன்று விலங்குனை விழுங்கி கொண்டு அசைய முடியாமலும், வேகமாக செல்ல முடியாமலும் அங்கேயே ஊர்ந்து சென்றதை இளைஞர்கள் சிலர் வீடியோ எடுத்துள்ளனர். இந்த காட்சி குடியாத்தம் பகுதிகளிலுள்ள வாட்ஸ்அப் மற்றும் ஃபேஸ்புக் உள்ளிட்ட சமூக வலைத்தளங்களில் வேகமாக பகிரப்பட்டு வருகிறது.

இதுகுறித்து குடியாத்தம் வனத்துறை அதிகாரிகள், “சமூக வலைத்தளங்களில் பரப்பப்படும் பாம்பு அனகோண்டா வகையை சேர்ந்தது இல்லை. அது பெரிய அளவிலான மலைப்பாம்பு. மலைக்கிராமங்களில் உள்ளவர்கள் ஆடு, மாடு கோழிகள் உள்ளிட்டவற்றை கண்காணித்துக் கொள்ள வேண்டும். விறகுகளை வெட்டவோ ஆடு மாடுகளை மேய்க்கவோ மாலை நேரங்களில் தனியாக யாரும் காட்டு பகுதிகளுக்கு செல்ல வேண்டாம்” என பொதுமக்களுக்கு வனத்துறையினர் எச்சரிக்க விடுத்துள்ளனர்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close